Keshe Beıbitshilik jáne kelisim saraıynda burynǵy Aqmola qalasynyń elimizdiń bas qalasy – astana mártebesine ıe bolýyna 16 jyl tolýyna baılanysty saltanatty konsert ótti. Qazaqstan Prezıdenti Nursultan Nazarbaevtyń 1997 jyldyń 20 qazandaǵy Jarlyǵymen burynǵy Aqmola qalasy 1997 jyldyń 10 jeltoqsanynan bastap Qazaqstannyń astanasy mártebesin ıelengeni belgili.
Keshe Beıbitshilik jáne kelisim saraıynda burynǵy Aqmola qalasynyń elimizdiń bas qalasy – astana mártebesine ıe bolýyna 16 jyl tolýyna baılanysty saltanatty konsert ótti. Qazaqstan Prezıdenti Nursultan Nazarbaevtyń 1997 jyldyń 20 qazandaǵy Jarlyǵymen burynǵy Aqmola qalasy 1997 jyldyń 10 jeltoqsanynan bastap Qazaqstannyń astanasy mártebesin ıelengeni belgili.
Konserttik baǵdarlamaǵa Astana qalasynyń ákimi Imanǵalı Tasmaǵambetov, Parlament depýtattary, memlekettik organdardyń basshylary, belgili qoǵam qaıratkerleri men zııaly qaýym ókilderi qatysty.
Konserttiń betasharynda kórermenderge Astananyń elorda mártebesin alý kúnin merekeleýge arnalǵan derekti fılm kórsetildi. Keshte «Astana Opera» memlekettik opera jáne balet teatrynyń ártisteri kazaq jáne ıtalııa arııalarynan quralǵan operalyq popýrrıler shyrqady.
Beıbitshilik jáne kelisim saraıy sahnasynda «Mýzart» toby men «Saryn» dýeti jáne ánshi Erken Kenebaev óner kórsetti. Al jas talanttar, «Aıalaǵan Astana» atty vokaldyq baıqaýdyń júldegerleri Roza Sámetova men Erkesh Hasen ««Viva per lei» ánimen jurtshylyqtyń júregine jol tapty.
Konserttik baǵdarlamanyń sońynda ártister «Astanany birge salamyz» ánin shyrqata saldy. Bul ándi osy zalǵa jınalyp otyrǵan «Astana tańdaýy» baıqaýyna qatysqan áleýmettik sala qyzmetkerleri de qosyla shyrqady. Olar joǵary biliktiligimen, eseli eńbegimen elordanyń gúldenýine úles qosyp júr. Bıyl konkýrs «Pedagog», «Ýchaskelik ınspektor», «Dáriger», «Jolshy», «Qurylysshy», «Energetık» atalymdary boıynsha ótkizilgen bolatyn. Baıqaýdyń ereksheligi sol, jeńimpazdardy turǵyndardyń ózderi Astana ákimdiginiń www.astana.kz. saıty arqyly onlaın-daýys berý arqyly tańdady.
«Egemen-aqparat».