Lıza Montgomerı esimdi AQSh azamatshasy sońǵy 68 jyl ishinde ólim jazasyna kesilgen alǵashqy áıel boldy, dep habarlaıdy Egemen.kz Bul týraly BBC News aqparat taratty.
Lıza Montgomerıge 2007 jyly qatygezdikpen adam óltirgeni úshin alǵashqy ıneksııa jasalý kerek edi. Ol kezde qylmysker Indıana shtatyndaǵy Terre-Hot túrmesinde jazasyn ótep júrgen.
Aýdandyq sottyń Montgomerıdiń aqyl-oıynda kemshilik bar degen sheshimin AQSh-tyń Joǵarǵy Soty joqqa shyǵardy. Qorǵaýshylar onyń týa bitken mı aqaýy bar dep málimdedi. Al qylmysker áıel naýqastanǵany sonshalyq, ózine qatysty aıyptaýlar men shyqqan úkimdi túsinýge de shamasy jetpepti.
2007 jyldan beri Montgomerıdiń jazalaý úkimi eki ret keıinge qaldyrylǵan edi. Alǵash ret oǵan 8 jeltoqsanda ajal ıneksııasyn jasaýy kerek bolǵan. Biraq onyń qorǵaýshylary Covid-19 juqtyrýyna baılanysty, is keıinge qaldyryldy.
О́lim jazasy 12 qańtarǵa aýystyryldy, biraq sot tóreshisi Djeıms Hanlon taǵy da ony keıinge qaldyrady. Aqyr sońynda Joǵarǵy Sot Montgomerıge sársenbi kúni tańerteń ıneksııa jasaýǵa úkim shyǵardy.
20 qańtardan bastap AQSh bıligine keletin Djo Baıden prezıdent bola sala ólim jazasyn alyp tastaýǵa bel býyp otyrǵan edi. Asa aýyr qylmys jasaǵan áıeldiń jazasy bul kúnge deıin belgili bolyp qoıdy.
Rabıǵa NURǴALI