Memleket basshysy jetinshi shaqyrylǵan Parlamenttiń alǵashqy otyrysynda keıbir partııalardyń Májilis pen máslıhattarǵa ótýine sál ǵana daýys jetpeı qalǵanyn aıtty, dep habarlaıdy Egemen.kz.
«Keıbir partııalardyń Májilis pen máslıhattarǵa ótýine sál ǵana daýys jetpeı qaldy. Olardyń árqaısysynda belgili bir salany jetik meńgergen, bilimdi, bilikti azamattar bar. Solar Parlamenttiń bıik minberinen aıtylýǵa tıis kóptegen ózekti máselelerdi der kezinde ári oryndy kóterip júr. Osyndaı partııalardyń ókilderi Parlamentke ótse, ondaǵy pikirtalasty qyzdyra túser edi, ortaq jumysqa tıimdi bolar edi», dedi Q.Toqaev.