Sanıtarııalyq - epıdemıologııalyq baqylaý komıtetiniń málimetine sáıkes, shetelden ushyp kelgen eki qazaqstandyqtan koronavırýs anyqtaldy, dep habarlaıdy Egemen.kz.
О́tken táýlikte Qazaqstan Respýblıkasynyń aýmaǵyna Nıderlandy, Maldıv Respýblıkasy, BAÁ, Egıpet, Túrkııa, Reseı Federasııasy jáne О́zbekstannan 13 halyqaralyq áýe reısi keldi.
2 053 áýe jolaýshylarynyń ishinde PTR-testileýdiń teris nátıjesi bar anyqtamamen 1 773 adam, anyqtamasyz 280 QR azamattary keldi. Onyń ishinde: Nur-Sultan qalasynyń áýejaıyna – 6 reıs, 750 jolaýshy, anyqtamamen – 644, anyqtamasyz - 106;
Almaty qalasynyń áýejaıyna – 5 reıs, 1 095 jolaýshy, anyqtamamen - 948, anyqtamasyz - 147;
Atyraý qalasynyń áýejaıyna – 2 reıs, 208 jolaýshy, anyqtamamen - 181, anyqtamasyz - 27.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik stasıonarlarda óz nátıjelerin kútýde.
2021 jyldyń 13 qańtarynda anyqtamasyz kelgen 94 QR azamattarynyń PTR-taldaýlarynyń nátıjeleri boıynsha eki jolaýshydan koronavırýstyq ınfeksııa anyqtaldy. Olardyń ishinde bir jolaýshy Dýbaı – Nur-Sultan reısimen, taǵy bir jolaýshy Sharm-el-Sheıh – Nur-Sultan reısimen kelgen.