Qyzylorda qalasyndaǵy Nazarbaev Zııatkerlik mektebiniń oqýshysy Mereı Sembaı qala kóshelerin jaryqtandyrýdyń tıimdi ádisin oılap tapty. Ol ustazy Jeńisbek Jalmyrzaevpen birlese otyryp, kólik qozǵalysy arqyly elektr qýatyn óndirýge bolatynyn dáleldedi, dep habarlaıdy Egemen.kz
Kóshede úzdiksiz aǵylǵan kólikterdi kórgen saıyn Mereıdi «osylardyń qozǵalysy arqyly qandaı paıdaly dúnıe jasaýǵa bolady?» degen oı mazalap júrgenine biraz bolypty.. Kóp uzamaı jetekshisi Jeńisbek Jalmyrzaevpen birlese zertteý jasap, avtokólik qozǵalysyndaǵy shyǵyn energııasyn balamaly qýat kózine aınaldyrý týraly ıdeıa týyndaǵan.
«Júrgen kólikterden energııa óndirýdiń shaǵyn maketin jasadyq. О́ndirý mehanızmi birneshe bólshekterden turady jáne kólikter kóp shoǵyrlanǵan aımaqtardyń kóshelerinde jer astynda ornalastyrylady. Olar jyldamdyq bəseńdetkish tómpeshikterge uqsas bolady. Atalmysh platformadan kólik ótken saıyn qurylǵy tómenge túsip, qaıta ornyna kelý arqyly energııa óndiredi», deıdi jas ónertapqysh.
Mehanızm qurylysyn sıpattaý jáne qajetti esepteýler júrgizý úshin joba avtorlary Qyzylorda jylý elektr torabynyń qyzmetkerlerinen kásibı keńester alady. Sol jerdegi generatorlardyń jumysyn qadaǵalap, onyń parametrleri men qurylǵylar ólshemderi jaıly aqparat jınaqtapty.
«Bul –elektr energııasyn adam densaýlyǵyna, qorshaǵan ortaǵa zalalsyz túrde alýdyń tıimdi əri qarapaıym joly. Qomaqty qarjyny da qajet etpeıdi, belgili aýmaqty jyldar boıy eshqandaı shyǵynsyz jaryqpen qamtamasyz ete alady. Máselen, bizdiń qalada 20-dan astam jyldamdyq bəseńdetkish tómpeshik bar. Solardyń ornyn osyndaı 10 qurylǵymen almastyrsaq, úsh jyl jyldyń ishinde 70 mln teńge qarjy únemdeı alamyz», deıdi joba jetekshileri.
О́nertapqyshtar ekonomıkalyq, ekologııalyq jáne energetıkalyq turǵyda tıimdi sanalatyn bul jobanyń ázirge elimizde balamasy joq deıdi. Sondyqtan aldaǵy ýaqytta tyń tehnologııany patenttep alyp, óndiriske qosýdy maqsat etip otyr.
Joba ulttyq STEAMUP jarysynda III oryn ıelengen. Sondaı-aq, fızıka pánine erekshe qyzyǵýshylyq tanytqan daryndy oqýshyǵa Stenford ýnıversıtetiniń jazǵy oqý kýrsyna qatysýǵa joldama da berilipti.