Atyraýda oblystyq medısınalyq jedel járdem stansasy taǵy 20 medısınalyq kólikpen tolyqty. Stansa dırektory Baýyrjan Tólegenniń aıtýynsha, jańa kólikter «QDB – lızıng» esebinen alynyp otyr.
«Jańa avtokólikterdiń úsheýi aýdandarǵa jiberiledi. Al, 17 kólik Atyraý qalasyndaǵy jedel járdem stansasyna beriledi. Qazir táýligine 700-750 shaqyrtý túsedi. Pandemııa órshigen tusta qońyraýlar sany 1700-ge deıin jetken edi» deıdi Baýyrjan Tólegen.
Qazir jedel járdem stansasynda jańa 66 jedel járdem medısınalyq kóligi bar. Onyń ishinde 46 kólik ótken jyly alyndy.
«О́ńirde COVID-taksı joq. Onyń ornyna jedel járdem stansanyń kóligi shaqyrýǵa barady. Jedel járdem kóligi shuǵyl shaqyrtýǵa 12-13 mınýtta jetedi» deıdi Baýyrjan Tólegen.