Qazaq PEN-klýbynda – jańa basshy

Belgili kósemsózshi jáne aýdarmashy Bıgeldi Ǵabdýllın Qazaq PEN-klýbynyń prezıdenti bolyp saılandy. Qoǵamdyq birlestik músheleriniń keshe bolyp ótken jalpy jınalysynda osyndaı sheshim qabyldandy. Jınalysqa Qazaqstannyń oblystarynan, sondaı-aq, Reseı men Fransııadan jazýshylar keldi.

Belgili kósemsózshi jáne aýdarmashy Bıgeldi Ǵabdýllın Qazaq PEN-klýbynyń prezıdenti bolyp saılandy. Qoǵamdyq birlestik músheleriniń keshe bolyp ótken jalpy jınalysynda osyndaı sheshim qabyldandy. Jınalysqa Qazaqstannyń oblystarynan, sondaı-aq, Reseı men Fransııadan jazýshylar keldi.

Buǵan deıin atalmysh mindetti qazaq ádebıetiniń klassıgi, KSRO Memlekettik syılyǵynyń laý­reaty Ábdijámil Nurpeıisov atqaryp kelgen bolatyn. Bıgeldi Ǵabdýllın kópshilikke pýblısıst jazýshy, gazet isiniń ilkimdi uıymdastyrýshysy retinde tanymal. Keıingi toǵyz jylda «Central Asia Monitor» aptalyǵyna basshylyq etip keledi. Sonymen qatar, ol «Radıotochka» mýltı­medıalyq portalyna jetekshilik etedi.

Bıgeldi Ǵabdýllın – kóptegen kósemsózdik tol­ǵamdardyń, esseler men ocherk­ter­diń avtory. Birqatar qazaq jazý­shylarynyń shyǵarmalaryn orys tiline aýdarǵan. «Parasat», «Qurmet» ordenderiniń ıegeri.

Qazaq PEN-klýby 1993 jyly shyǵarmashyl mamandyqtar ókilderiniń zııatkerlik ynty­maq­tastyǵyn keńeıtý, halyqaralyq ádebı qoǵamdastyqqa qatysý, qazaqstandyq mádenıetti damytý, qoǵamdyq sanada bıik izgilik murattaryn tárbıeleý maqsatynda qurylǵan. Ol kási­bı ádebıetshiler men jýr­na­lıs­terdi biriktiredi. Qazaq PEN-klýby Londondaǵy búkil­álemdik jazýshylar qaýym­das­tyǵy – Halyqaralyq PEN-klýb­tyń múshesi. IýNESKO-da óz mártebesi jáne BUU-da keńes­shilik mártebesi bar.

Qazaq PEN-klýbynyń syı­lyǵymen marapattaý rásimi ótti. Bul qurmetke belgili qazaq prozashysy Qajyǵalı Muhanbetqalıev pen reseılik jazýshy jáne dıplomat Borıs Pankın ıe boldy.

Qorǵanbek AMANJOL,

«Egemen Qazaqstan».

ALMATY.