Almaty qalasyndaǵy respýblıkalyq sport kolledjiniń sport kesheninde bokstan jastar arasyndaǵy Qazaqstan birinshiliginiń jalaýy jelbiredi, dep habarlaıdy Egemen.kz.
Respýblıkamyzdyń ár óńirinen jınalǵan daryndy jastar birneshe kún boıy judyryqtasyp, 46 kılo, 49 kılo, 52 kılo, 56 kılo, 60 kılo, 64 kılo, 69 kılo, 75 kılo, 81 kılo, 91 kılo jáne +91 kılo salmaq dárejeleriniń júldelerin sarapqa salady. Bul jarysty Qazaqstan boks federasııasy, Almaty qalalyq sport basqaramasy jáne qalalyq boks federasııasy uıymdastyryp otyr.
Almatydaǵy el birinshiliginiń qorytyndysy boıynsha bıylǵy jyly ótetin halyqaralyq dodalarda Qazaqstannyń namysyn qorǵaıtyn jastar iriktelinip alynady. Sol jarystardyń arasyndaǵy eń irisi – 10-24 sáýir aralyǵynda Polshanyń Kels qalasynda ótetin álem birinshiligi.