Kúni keshe Kásibı tennısshiler qaýymdastyǵy (ATP) men Halyqaralyq áıelder tennısi qaýymdastyǵy (WTA) sportshylardyń álemdik reıtıngin jańartty. Jerlesterimizdiń deni ATR jáne WTA tizimderindegi ózderiniń buǵan deıingi oryndaryn saqtap qaldy.
Atap atar bolsaq, áıelder arasyndaǵy Qazaqstannyń birinshi raketkasy Elena Rybakına burynǵy 19-ornyn saqtap qalǵan. Ázirge ol – qazaqstandyqtar arasynda TOP-20 tennısshiniń qataryna engen jalǵyz sportshy. Sonymen qatar Iýlııa Pýtınseva da 28-ornyn eshkimge bergen joq. Al Zarına Dıas bir orynǵa tómen syrǵyp, 81-orynǵa turaqtady. Álemdik reıtıngte aýstralııalyq Eshlı Bartı kósh bastap tur.
Erler arasynda táýir nátıje kórsetip kele jatqan otandasymyz Aleksandr Býblık álemdik reıtıngte tórt saty joǵarylap, 45-orynǵa jaıǵasty. Ol jýyrda ǵana Túrkııanyń Antalııa qalasynda ótken ATR týrnıriniń fınalyna deıin jetken bolatyn. Taǵy bir jerlesimiz Mıhaıl Kýkýshkın óziniń 89-orynyn saqtap qaldy.