Alys ta jaqyn mektep...

Mektepti, dástúrli oqý daǵ­dy­syn saǵynǵandarǵa qýa­nysh­ty jańalyq – oqý jylynyń III toqsanynan bastap oqytý shtat­tyq, aralas jáne qashyqtyq formatta júrgizile bastady.

Búginde Batys Qazaqstan oblysyndaǵy 379 mektepte 111 132 oqýshy bilim alady eken. Qa­lypty tirligine aldymen aýyl mektepteri kóshe bastady. Sy­nyp­taǵy oqýshy sany 15-ten, mekteptegi bala sany 300-den aspaıtyn mektepterge sanıtarlyq qaýipsizdik sharalaryn qatań saqtaı otyryp, sabaqty shtattyq rejimde jalǵastyrýǵa ruqsat berilgen. О́ńirde mundaı 256 mektep bar. Onda 25 881 bala bilim alady. Bul – oblys aýmaǵyndaǵy barlyq oqýshynyń 23,3%-y.

Sondaı-aq 110 mekteptiń 85 239 oqýshysy, ıaǵnı 76,7%-y ara­las rejimde bilim alady. 1 mek­­tepte 12 bala qashyqtan oqı­dy. Vedomstvoaralyq komıs­sııa­nyń sheshimi boıynsha III toqsannan bastap 9 jáne 11-12 synyp oqýshylary aralas formatta oqýǵa kiristi. Mektep biti­re­tin túlekterdiń oqý jyly so­ńynda qorytyndy attestasııadan ótetini, kolledjderge túsý úshin keshendi emtıhan, joǵary oqý oryndaryna túsý úshin UBT tapsyratyny eskerildi. Bul synyptarda matematıka, qazaq tili, orys tili, shet tili, fızıka, hımııa, bıologııa, algebra, geometrııa jáne tarıh pánderi mektepte oqytylady. Iаǵnı barlyq pánniń 70%-y shtattyq formatta ótedi.

Mektepterde ıkemdi sabaq kesteleri jasalyp, sabaqtar ara­syn­daǵy úzilister ártúrli synyptar úshin ártúrli ýaqytta uıymdastyrylýda. Sondaı-aq áleýmettik qashyqtyqty saqtaý úshin aýysymdar sany kóbeıtilip, pánderdiń 30%-y qashyqtan oqytylady. «Mundaı sheshim ata-analar men kópshiliktiń pikirin eskere otyryp qabyldandy», deıdi oblystyq bilim basqar­ma­sy­nyń basshysy Aıgúl Myńbaeva.

Onyń aıtýynsha, oqýshy­lar­dyń baǵdarlamadan keıin qalý deńgeıin anyq­taý jáne ony teńestirý, negizgi pán­der boıynsha bilim qımalaryn dıag­nostıkalaý, monıtorıng, zertteýler, saýaldamalar arqyly problemalyq má­se­­lelerdi zerdeleý, artta qal­ǵan oqý­shy­­larǵa saralanǵan konsýl­tasııalar ótkizý, ata-analar men balalardyń qa­laýy negi­zinde konsýltasııalyq on­kún­­dik­terdi uıymdastyrý boıynsha ju­mys bastalǵan.

Muǵalimder men ata-ana­lardyń pikirin eskere otyryp, kezekshi synyptarda dástúrli formatta oqýǵa múmkindigi joq oqýshylarǵa muǵalimderdiń qalaýy bo­­ıynsha jeke konsýltasııalar uıym­das­tyrylýda. Sonymen qatar dırektormen kezdesýler, pedagogıkalyq keńesterdiń májilisteri, ata-analar jınalystary jáne t.b. qashyqtan uıymdastyrylady.

Árıne jas býyn úshin bilim de, densaýlyq ta óte mańyzdy. Sondyqtan shtattyq rejimde oqytý úrdisi qatań sanıtarlyq qaýipsizdik sharalaryn saqtaı otyryp júzege asyrylýy kerek. Bul úshin jan-jaqty eskerilgen sabaq kestesi qurylady. Áleýmettik alshaqtyqty saqtaý, fızıkalyq baılanystardy azaıtý úshin aýysym sany kóbeıedi. Ár synyp belgili bir kabınette ornalasady. Ár synyp sabaq arasynda úziliske ár ýaqytta shyǵady. Mektepke kirer kezde medısına qyzmetkeri ár oqýshy men muǵalimniń qyzýyn kún saıyn ólshep otyrady. Betperde rejimi saqtalady. Mektepke kireberiste aıaqkıimge arnalǵan dezınfeksııalaýshy kilemsheler, ǵımarattyń barlyq qabatynda qoldy óńdeýge arnalǵan sanıtaızerler ornatylady. Ár partanyń arasy keminde 1 metr qashyqta bolady. Kabınetter jáne barlyq jaı jeldetiledi, kvarstalady. Ashanada tamaqtaný qalyptasqan epıdemııalyq jaǵdaıǵa baılanysty jergilikti atqarý­shy organdardyń sheshimi boıynsha jáne tıisti aýmaqtardyń bas memlekettik sanı­tarlyq dárigerleriniń kelisimi boıyn­sha uıymdastyrylady. Sapaly sýmen jabdyqtaý, qoldy jýý quraldary qamtamasyz etiledi.

Mundaı qatań qaýipsizdik sharalary óńirde kásiptik bilim beretin kolledjder men lıseılerge de tıisti. 1-semestrde oblys boıynsha 8 aýyldyq kolledj jáne eńbekpen túzeý mekemesinde ornalasqan oqý orny shtattyq rejimde sabaq berdi. Bul oqý oryndarynda 1 235 stýdent bilim aldy. Endi 2-semestrden bastap taǵy 25 kolledjde 1-kýrstyń 5 376 stýdenti aralas oqý formatyna kóshedi. Olarǵa tıisti pánderdiń 70 paıyzy shtattyq rejimde oqytylsa, qalǵan 30 paıyzy qashyqtan beriledi. Al osy kolledjderdiń 2-4 kýrsynda oqıtyn 10 342 stýdent qashyqtan oqýdy jalǵastyrady.

Kolledj stýdentteriniń óndiriste mashyqtan ótýi shtattyq rejimge jospar­lan­ǵan. Alaıda óńirdegi epıde­mııalyq jaǵdaıǵa baılanysty sanıtarlyq dári­ger­diń sheshimine sáıkes bul sheshimge ózgerister engizilýi de múmkin.

Batys Qazaqstan oblysy