Shaıbaly hokkeıden bıylǵa josparlanǵan álem chempıonaty qaýipsizdikke baılanysty másele týyndaýyna oraı degen jeleýmen Belarýs astanasy – Mınskide uıymdastyrylmaıtyn boldy.
Halyqaralyq hokkeı federasııasynyń (IIHF) málimeti boıynsha, atalǵan uıym Belarýstegi qazirgi jaǵdaı resmı uıym ókilderine, quramalarǵa jáne jankúıerlerge qaýipti dep eseptep, álem chempıonatyn ótkizý quqynan aıyrǵan. Aldyn ala jospar boıynsha jahandyq doda 2021 jyldyń 21 mamyry men 6 maýsymy aralyǵynda Latvııa men Belarýste ótýi kerek bolatyn. Endi IIHF álem birinshiligin tek Latvııada ǵana ótkizý máselesin talqylap jatyr. Al buǵan deıin Rıga jarysty óz betimen ótkizýge daıyn ekenin málimdegen bolatyn.
2019 jyly joǵary dıvızıonǵa oralǵan Qazaqstan quramasy bıylǵy álem chempıonatynda baq synaıdy. Jerlesterimiz Kanada, Fınlıandııa, AQSh, Germanııa, Latvııa, Norvegııa, Italııa quramalarymen V tobynda synǵa túsedi.