Kir tasyn kóterý. 76 jastaǵy Almaty oblysy Kóksý aýylynyń turǵyny kir tasyn kóterýden álemdik rekord jasaǵan Ámirbaı Rysqulov Gınnestiń rekordtar kitabyna endi.
Kir tasyn kóterý. 76 jastaǵy Almaty oblysy Kóksý aýylynyń turǵyny kir tasyn kóterýden álemdik rekord jasaǵan Ámirbaı Rysqulov Gınnestiń rekordtar kitabyna endi.
Ol Reseıdiń Arhangelsk qalasynda ótken jarysta Gınnestiń rekordtar kitabyna engizetin halyqaralyq komıssııa músheleriniń aldynda jarty saǵatta 10 kılolyq kir tasyn 750 ret toqtamaı kóterip, jurtshylyqtyń nazaryn ózine aýdartty. Osydan keıin komıssııa músheleri 76 jastaǵy qarııany Gınnestiń rekordtar kitabyna engizý týraly sheshim qabyldady.
Bul jarysqa álemniń ár túkpirinen 400-den astam kir tasyn kóterýshiler qatysypty. Al bizdiń elden jarysta Ámirbaı Rysqulovtan basqa, taǵy 4 adam baqtaryn synasa, sonyń ishinde Almaty oblysynan barǵan 55 jasar Jumahan Quzabaev ta rekord jasapty. Qazir Ámirbaı Rysqulovtyń qorjynynda 105 medal bolsa, onyń 65-i – álem, Azııa, Eýropa chempıonattarynyń altyn júldesi.
Shańǵy. Italııanyń Trentıno qalasynda ótip jatqan Qysqy Ýnıversıadada Qazaqstannyń erler jáne áıelder qurama komandasy bir altyn jáne bir kúmis medaldi jeńip aldy.
Bizdiń elge alǵashqy júldeni áıelder arasynda shańǵy jarysynan ótken synda Tatıana Osıpova syılady. 10 shaqyrymdyq qashyqtyqta Tatıana ýkraınalyq Katerına Grıgorenko men fın qyzy Marıana Pıtkenennen ozyp, Ýnıversıada chempıony atandy.
Erler arasynda 15 shaqyrymdyq skıatlon jarysynda Mark Starostın kúmis medaldi ıelendi.
«Egemen-aqparat».