Alpys jylǵy syrlasym

Jasym 85-te. Ol kezderi «Sosıalıstik Qazaqstan» degen atalymǵa ıe basylymmen 1951 jyly taǵdyrdyń qalaı tabystyrǵany kókeıimde jattalyp qalypty. Áke-shesheden jastaı aıyrylyp, 8 synyptan keıin oqýdy ári qaraı jalǵastyrýǵa múmkindik bolmady.

Jasym 85-te. Ol kezderi «Sosıalıstik Qazaqstan» degen atalymǵa ıe basylymmen 1951 jyly taǵdyrdyń qalaı tabystyrǵany kókeıimde jattalyp qalypty. Áke-shesheden jastaı aıyrylyp, 8 synyptan keıin oqýdy ári qaraı jalǵastyrýǵa múmkindik bolmady. Soǵys salǵan aýyr jaradan aýyl adamdarynyń áli ońalyp kete qoımaǵan, tirshiliktiń júdeý kezi. Biz quralyptas óńkeı jetimekterdi Qaraǵandy qalasyndaǵy fzo-ǵa jiberdi. Onda úsh aı oqyp, shahtaǵa jumysqa kirdim. Aragidik qolyma oblystyq «Sovettik Qaraǵandy» gazeti iligip qalyp júrdi. Qazaq aýylynda týyp-ósip, mektepti ana tilimde bitirgendikten, qumarlyǵym ba – útir-núktesine deıin bas almastan oqyp shyǵamyn. Fzo-ny bitirgennen keıin Petropavl qalasyndaǵy Atqarýshy mehanızmder zaýytyna tokar bolyp ornalastym. Úırenip qalǵan ádetimmen birde kitaphanaǵa bas suqtym. О́ńkeı oryssha basylymdar... Qazaq tilindegi bireýi yrymǵa tabylsaıshy. Sodan salyp uryp «partkom» degen jazýy anadaıdan «menmundalap» turǵan kabınetke kirdim. Jastyq shaqtyń qyzbalyǵy ma, namys otynyń tutanǵany ma, tap basyp aıta almaımyn. Uzyn sózdiń qysqasy, mosqal tartqan partkom hatshysy meniń ne aıtpaǵymdy túsingen bolý kerek, kúlimsiregen kúıi esikke deıin shyǵaryp saldy. Kóp uzamaı kitaphanada alǵashqy qazaq gazetteri respýblıkalyq"Sosıalıstik Qazaqstan» men oblystyq «Lenın týy» paıda boldy.

Osy kásiporynda baqandaı 45 jyl qyzmet ettim. Bıýro músheligine de, depý­tat­tyqqa da, Qazaqstan sezine delegat bolyp ta saılandym. Arada 62 jyl attaı jelip óte shyqsa da, qos basylymnyń turaqty oqyrmanymyn. Tipti, Táýelsizdiktiń eleń-alań shaǵynda aqsaqaldar alqasynyń múshesi bola júrip, qazaq tilindegi ga­zet-jýrnaldarǵa jazylýdy talmaı nası­hattadyq. Búginde qatarymyzda joq Máj­ken Ǵabbasov, Nil Bolatbaev, Qosyl Oma­rov syqyldy ultjandy zamandastarym gazet-jýrnalǵa jazylýdy «Egemen Qazaq­stan» men «Soltústik Qazaqstan» basy­lymdarynan bastaıtyn. Júrgen-tur­ǵan jerlerinde osy gazetterde jaryq kór­gen ta­ǵy­lymdy maqalalardan mysaldar kelti­rip, úlgi-ónege retinde alǵa tartyp otyratyn.

Qazir jasym ulǵaısa da, ábden baýyr basyp qalǵan súıikti gazetimnen qol úzgen emespin. Juma namazyna bar­ǵan kez­de ózim turǵylas «Egemenniń» turaq­ty oqyr­man­dary Zeınolla qajy Olja­baev­pen, Ojan Qalımen gazettiń taralymy, baǵyt-baǵdary jaıly pikirlesip turamyz. Kókeıkesti má­selelerdi talqyǵa salamyz.

Sóz arasynda Ulttyq bank oblystyq fılıalynyń dırektory, ekonomıka ǵy­lym­darynyń kandıdaty Qajyrahymov Jomart balama rızashylyǵymdy bil­dirgim keledi. Maǵan demeýshilik qolyn sozyp, «Egemenge» jazdyryp júr. Keıin bilsem, 10 shaqty eńbek ardagerleri men az qamtylǵan jandarǵa da aldyrtady eken. Jomart syqyldy jomart qoldy azamattar arqasynda kelesi jyly da oqyrmandar qataryna qosylyp otyrmyn.

Myrzataı BAIMAQANOV,

zeınetker.       

Soltústik Qazaqstan oblysy.