Bas prokýratýra janyndaǵy Zańdylyqty qamtamasyz etý jónindegi qoǵamdyq keńestiń osy jyldaǵy qorytyndy otyrysy bolyp ótti, onda prokýratýra organdaryndaǵy ótinishtermen jumys júrgizýdiń jaı-kúıi qaraldy jáne keńestiń 2013 jylǵy jumysyna qorytyndy jasaldy.
Bas prokýratýra janyndaǵy Zańdylyqty qamtamasyz etý jónindegi qoǵamdyq keńestiń osy jyldaǵy qorytyndy otyrysy bolyp ótti, onda prokýratýra organdaryndaǵy ótinishtermen jumys júrgizýdiń jaı-kúıi qaraldy jáne keńestiń 2013 jylǵy jumysyna qorytyndy jasaldy.
Jeke jáne zańdy tulǵalardyń ótinishterin jan-jaqty, tolyq jáne der kezinde qaraý prokýratýra organdary qadaǵalaý qyzmetiniń basty jáne sheshýshi basymdyqtarynyń biri bolyp aıqyndalǵan. Qoǵamdyq keńestiń tóraǵasy, Parlament Májilisiniń depýtaty Qýanysh Sultanovtyń otyrysqa qatysýshylardyń nazaryn aýdarǵanyndaı, ótinishterdi qaraý qazirgi tańdaǵy ózekti de mańyzdy máselelerdiń biri bolyp tabylady. Ol azamattardyń mańyzdy problemalaryn sheshe jáne konstıtýsııalyq quqyqtaryn qorǵaı otyryp, prokýratýra organdarynyń kúndelikti oryndaıtyn eren eńbegi.
Qarastyrylyp otyrǵan máseleni talqylaı kele, keńes músheleri memlekettik organdarǵa ótinish jasap jáne oǵan túbegeıli jaýap alý múmkindigi azamattardyń konstıtýsııalyq quqyǵy ǵana emes, sonymen birge, osy organdarǵa degen senim bildirýdiń mańyzdy belgisi bolyp tabylatyndyǵyn atap kórsetti.
Sońǵy birneshe jyldar ishinde prokýratýra organdaryna ótinish berýdiń turaqty úrdisi qalyptasyp keledi. Halyqpen ózara baılanysty jandandyrý maqsatynda prokýratýra organdaryna zań buzýshylyqtar týraly aryz berýdiń tártibin ońaılatýǵa baǵyttalǵan birqatar sharalar qabyldandy.
Máselen, azamattardyń ótinish-aryzdaryna jedel túrde yqpal etý maqsatynda Bas prokýratýranyń janynan ashylǵan Call-ortalyq 2011 jyldan bastap jumys isteıdi, sondaı-aq qazirgi tańda aryz berýshilerdi beınekonferensııalyq baılanys arqyly «on-laın» rejimde qabyldaý múmkindigi qarastyrylǵan. Osylaısha, aryzdanýshylar jol júrip, shyǵyn shyǵarmaı-aq, qajetti málimetti Bas prokýratýranyń basshylyǵyna jetkize alady.
Budan bólek, úıden shyqpaı-aq, ınternet arqyly prokýratýra organdaryna aryzdanýǵa múmkindik beretin aqparattyq qyzmet kórsetý portaly quryldy. Sonymen qatar, ótinishterdi halyqqa qyzmet kórsetý ortalyqtary arqyly qabyldaý máselesi pysyqtalyp jatyr, ol da aryzdanýshylardyń prokýratýra organdaryna qol jetkizýin jyldamdatýǵa yqpal etetin bolady.
2011 jyldan bastap prokýratýra organdarynda «Bıznes tiregi» atty joba jumys isteı bastady. Kez kelgen kásipker Quqyqtyq statıstıka jáne arnaıy esepke alý komıtetiniń saıtyna kirý arqyly nemese SMS-habarlamasyn joldap, tekseristiń zańdylyǵyna kóz jetkize alady.
Máseleni talqylaý barysynda qoǵamdyq keńestiń músheleri prokýratýranyń jumys júrgizýdiń osyndaı ınnovasııalyq nysandary men zamanaýı ádisterin engizýi aryzdanýshylardyń prokýratýra organdaryna jaqyndaı túsýin edáýir jeńildetkendigin atap kórsetti. Bul jumysty odan ári jetildirýdiń negizgi joldaryna nazar aýdara otyryp, aıtylǵan usynystar eskerilgen jaǵdaıda, prokýratýra organdarynyń aryzdarymen jumys isteýdegi quqyq qorǵaýshylyq áleýeti arta túsetindigi sózsiz ekendigi atap ótildi.
Keńes otyrysyna qatysqan Bas prokýror Ashat Daýylbaev Memleket basshysynyń «Qazaqstan-2050» Strategııasy» atty Qazaqstan halqyna Joldaýynda qoǵamnyń senimine ıe bolý deńgeıin arttyrý quqyq qorǵaý organdary qyzmetiniń basym baǵyttarynyń biri retinde belgilengendigin atap kórsetti. Osy mindetti júzege asyrý barysynda quramy elimizdegi tanymal qoǵam qaıratkerlerinen, depýtattyq korpýs, ǵylymı qaýymdastyq, buqaralyq aqparat quraldary jáne úkimettik emes uıymdar ókilderinen turatyn Bas prokýratýra qoǵamdyq keńesiniń prokýrorlar men azamattyq qoǵam arasynda pármendi dánekerge aınalǵandyǵyna toqtaldy.
Otyrystyń qorytyndysy boıynsha A.Daýylbaev keńestiń qoǵamdyq máni zor baılanystyrýshylyq rólin erekshe atap kórsete otyryp, onyń múshelerine zańdylyq pen qoǵamdyq tártipti qamtamasyz etý boıynsha birlese atqarǵan jemisti eńbekteri úshin alǵys aıtty, dep habarlady Qazaqstan Respýblıkasy Bas prokýratýrasynyń baspasóz qyzmeti.
Alash jurtynyń asqaq armany oryndalyp, azattyqtyń araıly aq tańy atqan aıtýly merekesi – Táýelsizdik kúni qarsańynda Astana qalasynda mol merekelik tartýlar jasalýda. Keshe Astana qalasynyń ákimi Imanǵalı Tasmaǵambetov osy búkilhalyqtyq mereke qurmetine elordadaǵy jańa №10 ambýlatorııalyq-emhanalyq keshendi ashty.