Belgili jazýshy, Qazaqstan Jazýshylar odaǵynyń múshesi Jádı Shákenulynyń balalarǵa arnalǵan «Aq balapan» kitaby Túrkııada jaryq kórdi. Kitaptyń basylyp shyǵýyna muryndyq bolǵan kórnekti ǵalym, tarıh ǵylymdarynyń doktory, Mınar Sınan kórkemóner ýnıversıtetiniń professory Ábdiýaqap Qara eńbektiń latyn árpimen jaryq kórgenin aıtady.
Belgili jazýshy, Qazaqstan Jazýshylar odaǵynyń múshesi Jádı Shákenulynyń balalarǵa arnalǵan «Aq balapan» kitaby Túrkııada jaryq kórdi. Kitaptyń basylyp shyǵýyna muryndyq bolǵan kórnekti ǵalym, tarıh ǵylymdarynyń doktory, Mınar Sınan kórkemóner ýnıversıtetiniń professory Ábdiýaqap Qara eńbektiń latyn árpimen jaryq kórgenin aıtady. Ǵalym: «Tilge jeńil, oıǵa oramdy bul eńbek Túrkııa men Eýropada turatyn, ana tilinen, týǵan jurtynan jyraqta júrgen, ári ony umytýǵa taıaý qazaq jastary úshin asa paıdaly. Qazirdiń ózinde suranys óte kóp», deıdi.
Al jazýshynyń ózi: «О́zge tildiń telegeıine batý qaýpindegi balalarymyz úshin meniń kitabym qarlyǵashtyń qanatymen sý sepkendeı kómek kórsetse ol meniń ǵana emes, Otan topyraǵynda otyrǵan barsha qazaqtyń ótelgen bir qaryzy bolar edi», deıdi.
Osydan buryn onyń «Aqbota» atty balalarǵa arnalǵan taǵy bir kitaby QHR-dyń «Jastar-órender baspasynan» shyǵyp, Shyńjańda ómir súrip jatqan qandastarymyzǵa tez tarap ketipti. Ystambuldaǵy «Sanat» baspasynan basylyp shyqqan «Aq balapan» kitaby jazýshynyń balalarǵa arnalǵan úshinshi kitaby.
«Egemen-aqparat».