Qaraǵandylyq polıseıler tanysynyń quny shamamen mıllıon teńge turatyn múlki men aqshasyn alyp ketken uryny ustady, – dep habarlaıdy Polisia.kz.
О́tken jyldyń 27 jeltoqsanynda Temirtaý qalasynyń Shyǵys polısııa bólimine 49 jastaǵy jergilikti turǵyn júgingen. Jábirlenýshi áıel óz málimdemesinde jaqynda tanysqan er adamnyń onyń páterinen kúzen ishigi men quny 600 myń teńgeden asatyn altyn buıymdaryn alyp ketkenin jáne onyń uıaly telefonyndaǵy banktiń qosymshasyn paıdalanyp, belgisiz shotqa 200 000 teńgeden astam aqsha aýdaryp alǵany týraly aıtyp shaǵymdandy.
Bul fakt boıynsha Qazaqstan Respýblıkasy Qylmystyq kodeksiniń 188-babymen (Urlyq) boıynsha qylmystyq is qozǵaldy. Polısııa qyzmetkerleri mán-jaıdy naqtylaý kezinde jábirlenýshi áıeldiń bul adammen tanysý saıtynda tanysqanyn anyqtady. Áıeldiń júregine jol tabýdy sheber meńgergen kúdikti onyń senimine kirgen.
20 qańtarda Temirtaý qalasynyń polıseıleri osy qylmysty jasaǵan 48 jastaǵy er adamdy ustady. Kúdikti kinásin moıyndap, urlanǵan zattar ıesine qaıtaryldy.