22 qańtarda Nıderlandtyń Herenven qalasynda konkı sportynan álem kýbogynyń kezeńdik saıysy ótedi, dep habarlaıdy Egemen.kz
Oqý-jattyǵý jıynyn Qyzǵaldaqtar elinde ótkizgen Qazaqstannyń konkıshileri Herenvende mynadaı quramda óner kórsetedi: Nadejda Morozova, Ekaterına Aıdova, Olga Tıhonova, Dmıtrıı Morozov, Vıtalıı Shıgolev, Demıan Gavrılov, Baqdáýlet Saǵatov, Roman Krech, Artýr Galıev jáne Aleksandr Klenko. Ulttyq komandamyzdyń bas bapkeri Dmıtrıı Babenkonyń aıtýynsha, bul jarysta jerlesterimiz keminde bir júlde alýdy kózdep otyr. Esterińizge sala keteıik, dál osy álem kýbogynyń kezeńdik básekelerinde álem chempıonatynyń joldamalary sarapqa salynady.