Jurt pikirin jete eskeredi

«Sondyqtan azamattyq qoǵamǵa qoldaý kórsetip, onyń áleýetin nyǵaıta túsý kerek. Sondaı-aq asa ma­ńyz­dy jalpy memle­ket­tik mindetterdi sheshý úshin talqylaý jumystaryna aza­mattyq qoǵamnyń múm­kin­dik­terin keńinen qoldaný qajet», degen edi Memleket bas­shysy. Odan keıin óziniń «Abaı jáne HHI ǵasyrdaǵy Qazaqstan» maqalasynda da atalmysh tujyrymdamanyń oryndalýynyń mańyz­dy­ly­ǵyna tereń mán bergen. Maqalada «Sybyrdan basqa syry joq, Sharýaǵa qyry joq», dep Abaı aıtqan zamandastarymyz kóbeımes úshin bılik halyqqa árdaıym qulaq túrip otyrǵany jón» de­lingen edi.

Barlyq memlekettik organ osy talapty qatań saq­tap, onyń oryndalýyna qatty mán berip otyrsa, azamattyq qoǵamnyń da áleýeti arta tú­ser edi. Soltústik Qazaqstan ob­lystyq ishki ister depar­ta­men­tiniń bastyǵy, polısııa polkovnıgi Marat Tólebaev ótken jyly 3 169 jazbasha ótinishke jaýap beripti. Olar­dyń bári, árıne, aryz-shaǵym emes. Arasynda polısııa qyzmetin jetildirý jónindegi usynys-pikirler de kóp. Sonyń ishinde servıstik polısııa jumysyn jetildirý boıynsha kóptegen usynys túsken. Mysaly, sotqa deıingi ter­gep-tekserýdi ádil ótkizý, mem­lekettik qyzmetterdi sa­pa­ly kórsetý, halyqqa kó­mek kórsetý, ótinishterge ýaq­­ty­ly jaýap berý sııaqty máseleler kóterilgen. Polı­seı­lerdiń osyndaı mańyzdy qaǵı­dat­tardy tolyq saqta­maı­tyndyǵy jeke qabyl­daý­lar barysynda da kóp aıtylǵan.

Oblystyq polısııa de­par­ta­mentiniń bastyǵy aı­tylǵan usy­nystar men pikir­lerdi zert­tep, olar týraly naqty usynys jasaýdy tıisti qyz­met­terge júktegen. «Eli­mizdiń Prezıdenti óz Joldaýynda adamdarmen ashyq dıalog júrgizýdiń mańyzdy ekendigin basa aıtty. Búgin osyndaı dıalog alańdaryn biz vedomstvo qabyrǵasynda ǵana ótkizýmen shektelmeımiz. Qoldanystaǵy ınternet-platformalar men basqa da elektrondy resýrs­tar mundaı dıalogtarǵa je­del­dik pen ashyqtyq be­re­di. Azamattardan kelip túsken ótinishterdiń tolyq ári jan-jaqty zerdelenip, ýaqtyly jáne sapaly qaralýy – jeke baqylaýymda», deıdi Marat Tólebaev.

Sondaı-aq soltústik­qazaq­standyqtar ishki ister organ­daryna qatysty óti­nish­­te­rin áleýmettik jeli arqyly joldap, jaýap alýda. Al po­lısııa depar­ta­mentiniń bas­tyǵy jýyrda azamattardy kezekti qabyl­daýyn ótkizdi. Segiz azamat Marat Tóle­baev­pen onlaın-dıalog­qa shyqty. Olardyń basym bóligi qyl­mys­tyq isterdi tergeý máse­le­leri boıynsha júgindi. Polısııa qatarynda qyzmet etýge nıet bildirgen óńirdiń úsh turǵyny jumysqa ornalasý jaıly surady. Jaýap berý barysynda vedomstvo basshysy búgingi tańda polısııa qyzmetkerlerine qoıy­la­tyn bıik talaptarǵa basa nazar aýdardy.

Qyzyljar óńiriniń bas po­lıseıi azamattardy ár ap­ta­nyń sársenbi kúni qabyl­daı­dy. Qabyldaý onlaın rejimde júrgiziledi.

Soltústik Qazaqstan oblysy