Ákimdikterde betburys bar (Ol – mınıstrlikterge ónege)

Keńes jumysyna vıse-mınıs­trler jáne óńirler ákim­deriniń osy jobany iske asyrýǵa jaýapty oryn­­­basarlary, ortalyq mem­­l­­ekettik organdardyń aýmaqtyq bólimsheleriniń bas­shylary, ádep jónindegi ýá­kilder jáne jurtshylyq ókil­deri qatysty.

Keńes barysynda respýb­lıka­lyq jobalyq keńseniń basshysy Tólegen Baıǵulov jobany iske asyrýdyń oń nátı­jelerin atap ótti.

«Turmystyq sybaılas jemqorlyqty joıýdyń pár­­men­di quraly ashyqtyq pen aıqyndyq bolyp tabylatynyn eskere otyryp, Adaldyq alany res­pýb­lı­­kalyq jobasy aıasynda memlekettik apparat­tyń klıent­ke baǵdarlanýyn qam­ta­masyz etýge erekshe nazar aýdaryldy. Osylaısha, 317 ákimdiktiń servıstik ju­mys modeline kóshkenin atap ótken jón. Oblystyq mańyzy bar qalalar men aýdan­dar júz paıyz qamta­ma­syz etildi», dedi ol.

Joba úılestirýshileriniń aıtýynsha, atqarylǵan ju­mys memlekettik qyzmet­ter­­­diń qoljetimdiligin qam­­­ta­­masyz ete otyryp, sheneý­nik­terdiń uıym­das­ty­rý­shy­lyq mádenıetin kóte­rý­ge múm­kindik berdi.

Jobalyq keńesterdiń menedjerleri memlekettik kór­­setiletin qyzmetterdi úde­meli sıfrlandyrýdy jal­­ǵastyryp, onyń deń­geıi ótken jyldyń qorytyn­dy­­sy boıynsha 93 paıyzdy qurady.

Jobaǵa qoǵam belsen­di­le­riniń qatysýy arta túsken. 80 myńǵa jýyq erikti sybaılas jemqorlyqqa jol bermeý sharalaryna atsalysyp júr. Adaldyq alany óńirlik jobalyq keńseleriniń je­tek­­shi­leri óńir ákimderiniń shtat­tan tys keńesshileri bolyp taǵaıyndalǵan.

Azamattardyń áleýmettik mańyzdy máseleler boıyn­sha qoǵamdyq monıtorıng­ter­ge bastamashylyq jasaý­ǵa jáne oǵan qatysýǵa múm­kin­dik týǵyzylǵan. Olar ótken jyly dári-dármek­pen qam­­­­tamasyz etý, qashyqtan oqy­­týdy uıym­das­ty­rý, jol qu­ry­lysy jáne basqa ózek­ti má­se­lelerdi ba­qy­l­aýǵa tike­leı qatysty.

Jobalyq keńselerdiń týyndaǵan problemalardy sheshý úshin kez kelgen adam júgine alatyn Feısbýk áleýmettik jelisindegi resmı paraqshalary bar. Olarǵa ótken jyly júgingen 11 500 azamattyń 80 paıyzy sybaılas jemqorlyq táýe­kelderimen baılanysty túıt­kildi máselelerdiń oń sheshil­ýine uıytqy bolǵan.

О́ńirlerde jobany iske asyrýdyń oń nátıjelerin eskere otyryp, sybaılas jemqorlyqqa qarsy ve­dom­stvo basshysy Alık Shpek­baev vıse-mınıstr­ler­di osyndaı jumysty mınıstr­likter deńgeıinde uıymdas­tyrýǵa shaqyrdy. Onyń aıtýynsha, jobalyq keńseler bıýdjet qaraja­ty­nyń jumsalýyn ba­qy­laý­da, sybaılas jemqor­lyq táýekelderin boldyr­maýda jáne memleket­tik qy­z­met­terdi sıfrlan­dy­­rýdy jedeldetýde, ke­der­gi­siz front-ofıs­ter­di en­gizý arqyly ha­lyq­qa qyz­met kórsetýdiń ser­­vıs­tik modeline kóshýde aza­mat­­­­tyq qoǵamnyń keńi­nen qatysýymen sybaılas jem­qor­lyqqa qarsy bas­ta­ma­lar­dyń generato­ry bo­lý­ǵa tıis. Bul óz keze­gin­de ortalyq at­qa­rýshy organ­dar­dyń ju­mysyn ashyq­tyq jáne ha­lyq­qa esep berý ja­ǵyna qaraı túbegeıli ózger­te­di.

Sondaı-aq Alık Shpek­baev el basshylyǵyna joldaý úshin sybaılas jem­qor­lyq­ty azaıtýǵa asa yqylas tanytpaǵan basshylar týraly aqparat daıyndaý týraly tapsyrma berdi.