Qurlyqtyq hokkeı lıgasynyń (QHL) kezekti týr oıynynda Nur-Sultannyń «Barysy» overtaımda Máskeý oblysynyń ókili «Vıtıaz» klýbynan basym tústi.
Podolskide ótken básekede tarazy basy uzaq ýaqyt boıy teńselip turdy. 6-mınýtta Aleksandr Semın aıdyn ıelerin alǵa shyǵarsa, kóp uzamaı Lınýs Vıdell esepti teńestirdi. 13-ı mınýtta bir oıynshynyń artyqtyǵyn «Vıtıaz» utymdy paıdalandy. Bul goldyń avtory – Djastın Denfort. Ekinshi kezeń bastalǵan bette Valerıı Orehov pen Nıkıta Mıhaılıs qatarynan eki shaıbany qaqpaǵa toǵytty. Jergilikti hokkeıshiler de qarap qalǵan joq. Áýelde Denfort, úzilisten keıin Zahar Bardakov nysynany dál kózdedi. Al kezdesýdiń aıaqtalýyna bir jarym mınýttaı qalǵanda Mıhaılıs taǵy bir márte ıergendik tanytyp, oıyndy overtaımǵa ulystyrdy. Qosymsha ýaqytta Djessı Bleker jeńis golyn soqty. Esep – 4:5.
Qatarynan tórtinshi kezdesýinde jeńiske jetken «Barys» 47 oıynnan keıin 57 upaı jıyp otyr. Turaqty birinshiliktiń jarys kestesinde jerlesterimiz 11 oryndy ıelenýde.