Senatorlarǵa – memlekettik nagradalar

Qazaqstan Respýblıkasy Parlamenti Senatynda Táýelsizdik kúnine arnalǵan saltanatty jınalys ótti, dep habarlady osy palatanyń baspasóz qyzmeti.

Qazaqstan Respýblıkasy Parlamenti Senatynda Táýelsizdik kúnine arnalǵan saltanatty jınalys ótti, dep habarlady osy palatanyń baspasóz qyzmeti.

Otyrysty ashqan Senat Tóraǵasy Qasym-Jomart Toqaev Qazaqstannyń Táýel­sizdikke qol jetkizýi halqymyzdyń uly jeńisi, teńdesi joq tarıhı oqıǵa ekenin atap ótti. «Búginde Qazaqstan qol jetkizip otyrǵan teńdessiz je­tis­tikter – Prezıdent Nursultan Ábishuly Nazar­baev­tyń syndarly saıasaty men qajyrly eńbeginiń kórnekti nátıjesi. Elimiz tatý­lyq pen turaqtylyqtyń, ózara syılastyq pen beıbit ómirdiń mekenine aınalyp, damýdyń dańǵyl jolynda keledi. Qa­zaq­stannyń halyqaralyq qoǵamdastyq aldyndaǵy mártebesi kúnnen-kúnge ósýde», dedi Q.Toqaev. Senat Tóraǵasy báse­kege qabiletti 30 eldiń qataryna kirý­di kóz­deı­tin Memleket basshysynyń «Qa­zaq­stan-2050» Strategııasy jańa reformalar men ekonomıkalyq serpilis jasaýǵa zor múmkindik týǵyzatynyn atap ótti.

Táýelsizdik kúni qarsańynda Qazaqstan Respýblıkasy Prezıdentiniń Jarlyǵymen memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin bir top senator memlekettik nagradalarmen marapattalǵan bolatyn.

Senatorlar Talǵatbek Abaı­dildın, Iran Ámirov, Aqan Bıjanov, Svetlana Jalma­ǵam­betova, Ermek Jumabaev jáne Erlan Nyǵmatýlın «Parasat» ordeniniń ıegerleri atandy.

Parlament Senaty Appara­ty­nyń bólim meńgerýshisi Erlan Saparov «Eren eńbegi úshin» medalimen marapattaldy. Senat Apparatynyń bas kon­sýltanttary Qadyrjan Arys­tanov, Rahıma Bektibaeva, Dáýren Júsipov Qazaqstan Res­pýblıkasynyń Qurmet gramota­sy­men marapattaldy. Odan basqa, joǵarǵy palata bıýrosynyń qaý­lysymen Apparattyń birqatar qyzmetkerlerine Qazaqstan Res­pýblıkasy Parlamenti Senatynyń Qurmet gramotasy berildi.