QR Eńbek jáne halyqty áleýmettik qorǵaý mınıstrliginiń bastamasymen Shymkent qalasy ákimdiginiń «2 arnaýly áleýmettik qyzmet kórsetý ortalyǵy» KMM-de arnaýly áleýmettik qyzmetterdiń sapasyn tekserý maqsatynda monıtorıngtik top qurylady.
Monıtorıngtik toptyń quramyna beıindi memlekettik jáne jergilikti atqarýshy organdardyń, qoǵamdyq birlestikterdiń jáne t. b. ókilderi kiredi.
Komıssııa qamqorlyqqa alynǵandarǵa qatysty turý, tamaqtaný, tósek-oryn jabdyqtarymen, kıimmen jáne mindetti gıgıenalyq quraldarmen qamtamasyz etilý jónindegi standarttardyń saqtalýyn, sondaı-aq kórsetiletin áleýmettik-medısınalyq qyzmetterdiń sapasyn tekseredi.
Shymkent qalasynyń turǵyny Álııa Mamýtovanyń Instagram-pablıkindegi úndeý haty tekserý júrgizýge negiz boldy. Áıel I toptaǵy múgedek qyzy mekemede 7 jyl boıy zorlaǵanyn habarlady. Onyń aıtýynsha, qyzy esinen tanyp qalǵan kezde ony paıdalanǵan, qyz epılepsııadan zardap shegedi.
Aıta keteıik, qazirgi ýaqytta atalǵan fakt boıynsha QR QK-niń «Birneshe ret jasalǵan zorlaý» baby boıynsha sotqa deıingi tergeý jumystary júrgizilýde.
Tekserý nátıjeleri týraly qosymsha habarlanady.