Qaz­Covid-in sáýirde daıyn bolady

Osy eki kezeńniń nátı­jesi boıynsha vak­sına ózi­niń ım­mýnogendigin jáne tıimdi­li­gin kórsetti. Eger ek­peniń ımmýn­­no­­gendigin sóz etsek, onda onyń qaýip­­sizdigi jóninde de aıtyp otyr­­ǵanymyz anyq. Bul – tuty­ný­shy úshin eń basty kóńil aýdaratyn másele.

Klınıkalyq zertteýdiń al­ǵashqy kezeńin­de 44 eriktige ekpe egildi. Al ekinshi kezeńde 200 volonter otandyq ekpeni synaq­tan ótki­zýge qatysty. Eki kezeń­niń nátıjesinde aıtar­lyqtaı te­ris kór­setkishter anyqtalmady. Tek ekpeni qabyldaǵandar ıneni sal­ǵan kezde shanshýdyń áserinen kishkene isinýdiń bolǵanyn, biraq alǵashqy 2-3 kúnde jaǵymsyz áserdiń joıylǵanyn jetkizgen. Qa­zir vaksına klınıkalyq sy­naq­tyń úshinshi kezeńine ótti. О́ıtkeni 2020 jyldyń 18 jeltoq­sa­nyn­­da Densaýlyq saqtaý mı­nıs­trligi men Medı­sı­nalyq já­ne farmasevtıkalyq baqy­laý komı­teti QazCovid-in ınak­tıvtelgen vaksınasyn klı­­nıkalyq synaqtyń úshinshi ke­zeńinen ótki­zýge ruqsat ber­di. Sodan 25 jeltoqsanda klını­kalyq synaq­tyń úshinshi kezeńi boıynsha vaksınalaý bastalyp, 3 myń eriktige ekpe egildi.

Zertteýdiń hattamasyna sáı­kes, klı­nıkalyq synaqtyń úshin­shi kezeńi 180 kúndi quraıdy. Sońǵy kezeńniń aıaqtalýy shamamen bıyl­­ǵy maýsymǵa josparlanyp otyr. Degenmen munyń ózi ózger­meıtin merzim emes. Bári de zertteý­diń barysyna baılanysty. S­ebebi álginde aıtqanymyzdaı, synaq sýbektilerin baqylaýdyń ózine 180 kún kerek, odan ke­ıin zertteýdiń saraptamalyq qory­tyndysy daıyndalady.

Vaksınany óndirýge ýaqytsha tirkeý be­rilgen. Sondyqtan al­daǵy sáýir aıynan bastap otandyq ónim óndirile bastaıdy. О́ndiris jumystary bıylǵy qyrkúıek aıynyń sońynda aıaqtalady.  Al sáýir aıynyń sońynda otandyq vak­sınanyń birinshi partııasy daıyn bolady. Sodan soń otandyq ekpeni saldyrý bastalady. 

Nurlan ÁÝKENOV,

Densaýlyq saqtaý mınıstrligi  Ǵylym jáne adamı resýrstar depar­tamentiniń basqarma basshysy