Shyǵys Qazaqstan oblysynda aldyn ala belgili bir oryndarǵa salyp qoıý arqyly sıntetıkalyq esirtki taratýmen aınalysatyn jas qyz anyqtaldy, – dep habarlaıdy Polisia.kz.
11 qańtarda Esirtki qylmysyna qarsy is-qımyl basqarmasynyń qyzmetkerleri oblys ortalyǵynda “skorost” jáne “mefedron” psıhotroptyq zattaryn taratýmen aınalysqan 21 jastaǵy qyzdy ustady. Boıjetken ońaı oljaǵa kenelý maqsatynda О́skemen qalasynyń aýmaǵynda psıhotroptyq zattardy baılanyssyz tásilmen, ıaǵnı aldyn ala belgili bir oryndarǵa qoıyp ketý arqyly satýdy jáne aqysyn qolma-qol aqshasyz alýdy uıymdastyrýdy sheshken.
– Ustaý barysynda kúdiktiniń páterinen 650 ret qoldaný dozasyna teń 200 gramnan astam psıhotroptyq zattar alyndy, onyń qara naryqtaǵy baǵasy 2 mln. teńgeden artyq somany quraıdy, sondaı-aq esirtki dozalaryn oraýǵa jáne ólsheýge arnalǵan quraldar tárkilendi, – dedi ShQO PD bastyǵy Saǵat Madıev.Atalǵan fakt boıynsha QR QK-niń 297-babynyń 3-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý) boıynsha sotqa deıingi tergeý bastaldy. Atalǵan qylmysty jasaǵany úshin 10 jyldan 15 jylǵa deıin bas bostandyǵynan aıyrý jazasy kózdelgen.