Avtokólikti mobıldi qosymsha arqyly onlaın tirkeýge bolady, – dep habarlaıdy Polisia.kz.
2021 jylǵy 25 qańtarda Astana Hub alańynda QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın men QR Ishki ister mınıstri Erlan Turǵymbaevtyń birlesken keńesi ótti.Keńes barysynda Baǵdat Mýsın men Erlan Turǵymbaev sıfrlandyrý salasyndaǵy birlesken jobalar men aldaǵy jumys josparlaryn talqylady.
Sondaı-aq, QR SDIAО́M QR IIM-men birlesip júzege asyrǵan ekinshi deńgeıdegi bankterdiń mobıldi qosymshalarynda kólik quraldaryn qaıta tirkeý servısi tanystyryldy. Buryn jeke tulǵalar avtokólikti tek Mamandandyrylǵan Halyqqa qyzmet kórsetý ortalyqtarynda nemese “Elektrondyq úkimet” portalynda tirkeı alatyn. Pılottyq rejımde bul memlekettik qyzmet Kaspi.kz qosymshasynda aprobasııalandy. Avtokólikti onlaın tirkeý múmkindigi basqa da mobıldi qosymshalarda paıda bolady.
– Endi satýshy qosymshada avtomobıldi esepten shyǵarǵanda, servıs kólik quralynyń shekteýleriniń, aıyppuldarynyń jáne salyq bereshekteriniń bar-joǵyna avtomatty túrde tekserý júrgizedi. Eger tólenbegen salyqtar men aıyppuldar bolsa, satýshy olardy birden sol qosymshada tóleı alady. Satyp alýshy satyp alý úshin aqsha aýdarady, baj salyǵyn tóleıdi, avtokólikti esepke qoıady jáne memlekettik nómir belgisin onlaın tańdaıdy, – dedi SDIAО́M basshysy Baǵdat Mýsın.
– Jańa servısti paıdalana otyryp, avtokólikti satyp alýshy men satýshy memlekettik organdarǵa júginbeı, bul prosedýralardy óz betinshe jasaı alady. Onlaın mámile aıaqtalǵannan keıin qujattardy jáne memlekettik nómirlik belgini “Elektrondyq úkimet” portaly arqyly úıge jetkizýge tapsyrys berýge nemese olardy Mamandandyrylǵan HQKO-dan alyp ketýge bolady, – dep tolyqtyrdy IIM basshysy Erlan Turǵymbaev.
Sonymen qatar, Astana Hub alańynda mınıstrlikter basshylaryna tehnopark rezıdentteriniń IT-ónimderi tanystyryldy. Olardyń ishinde E-Knot – múlik ıeleri men kóp páterli turǵyn úılerdi basqarý organdary, sondaı-aq ishki ister organdarynyń aýmaqtyq bólimsheleri arasyndaǵy ózara is-qımyldy qamtamasyz etetin aqparattyq-sıfrlyq platforma da bar. Osylaısha, turǵyndar ártúrli kommýnaldyq máseleler týraly habarlap, zańsyz áreketter, quqyq buzýshylyqtar jáne basqa da oqıǵalar týraly aqparatty jedel túrde ýchaskelik polısııa ınspektoryna bere alady. Keńes barysynda vedomstvo basshylary biryńǵaı respýblıkalyq beınebaqylaý júıesin qurý jáne JBO beınebaqylaý júıesin jańǵyrtý, túzeý mekemelerinde beınebaqylaý júıesin engizý jáne qoǵamnan oqshaýlaýǵa baılanysty emes jazalaý sharalaryna sottalǵan adamdardy baqylaý boıynsha elektrondyq bilezikterdi engizý máselelerin talqylady.