80 jastaǵy qart anany týǵan nemeresi qýyp shyqqan. Onyń baratyn jeri bolmaǵandyqtan, ýchaskelik polıseı óz qamqorlyǵyna alǵan, dep habarlaıdy Egemen.kz
Dastan Sultanǵalıev esimdi polısııa qyzmetkeri ájeniń qaıǵysynan shet qala almady. Ol óziniń kishkentaı páteri men kóp balaly otbasynan qart anaǵa oryn tapty.
Lıýdmıla Emmanýılovna burynǵy ómirin kóz jasymen eske alady. Nemeresi onyń páterin satyp, barlyq aqshany nátıjesiz bızneske salǵan. Sol sebepti, otbasynda aqshaǵa baılanysty janjaldar jıi týyndaǵan.
Dastan Sultanǵalıev ýchaskelik ınspektor bolyp bes jyl jumys isteıdi. Polıseı eń aldymen ájeni úıine qaıtaryp, nemeresimen sóılesýge tyrysqan, biraq olar qart áıeldi páterge kirgizýden bas tartty. Nátıjesinde, ýchaskelik polısııa qyzmetkeri jalǵyz basty zeınetkerdi úıine alyp kelgen.
Belgili bolǵandaı, zeınetker ýchaskelik ınspektordyń otbasynda 2 aıdan beri turyp jatyr. Aıta ketsek, polıseıdiń tórt balasy bar. Úlken otbasy bir bólmeli páterde turady.
Qazirgi ýaqytta ájeniń taǵdyry qalalyq jumyspen qamtý jáne áleýmettik baǵdarlamalar bóliminde qarastyrylyp jatyr.
Aıtolqyn MYRZAKARIM