QR Ekologııa, geologııa jáne tabıǵı resýrstar mınıstrligi «National Geographic Qazaqstan» jýrnalynyń redaksııasymen birlesip «Qazaqstannyń jabaıy tabıǵaty» atty alǵashqy respýblıkalyq fotobaıqaý ótkizedi. Júlde qory 1,5 mln teńgeni quraıdy.
Saraptaý komıssııasynyń quramyna kásibı sheteldik jáne otandyq fotograftar, fotosýret salasyndaǵy sarapshylar, BAQ ókilderi kiredi. Baıqaýǵa áýesqoılar fotograftar men 18 jastan asqan kásibı mamandar qatysa alady.Qatysýshylardyń jumystary 2021 jyldyń 1 aqpanynan 15 sáýirine deıin qabyldanady. Baıqaý sharttarymen osy silteme arqyly tolyǵyraq tanysýǵa bolady. Osy is-shara arqyly uıymdastyrýshylar adam men tabıǵattyń ózara qatynas máselelerine, tabıǵı ártúrlilikti saqtaýǵa qoǵamdyq nazar aýdarýdy, qorshaǵan ortany qurmetteý ıdeıalaryn keńinen nasıhattaýdy kózdeıdi.Buǵan deıin Qazaqstan Prezıdenti Qasym-Jomart Toqaev ekologııalyq bilim berýdiń, mektep qabyrǵasynan bastap halyqty aǵartýdyń mańyzdylyǵyn atap ótken bolatyn. Osyǵan baılanysty, Ekologııa mınıstrligi qorshaǵan ortany qurmetteý, janýarlarǵa jaýapkershilikpen qaraý salalaryndaǵy jaǵdaıdy jaqsartý, sondaı-aq ulttyq parkterde ekotýrızmdi damytý úshin qujattar paketin daıyndaýda. Osy máselelerdi sheshý úshin mınıstrlik tıisti bas josparlardy ázirledi, olardy halyqpen talqylaý boıynsha jumystar júrgizilýde. Sonymen qatar, qabyldanatyn sheshimderdiń ashyqtyǵyn qamtamasyz etý maqsatynda ulttyq parkter janynan qoǵamdyq keńester quryldy.«National Geographic Qazaqstan» jýrnalynyń redaksııasy óz qyzmetinde ekologııa, qorshaǵan ortany qorǵaý, janýarlar dúnıesi salasyndaǵy ótkir máselelerdi de kóteredi. Seriktesterdiń qoldaýymen jýrnaldyń qazaqstandyq redaksııasy jyl saıyn ekologııalyq mádenıetti qalyptastyrýǵa baǵyttalǵan is-sharalardy ótkizedi: QR elordasy men óńirlerinde ǵylymı ekspedısııalar, týrlar, fotokórmeler ótkizip, materıaldardy jýrnalda jáne baspanyń ınternet-resýrstarynda jarııalaıdy.