Túrkistan oblysy Polısııa departamentiniń bastyǵy polısııa general – maıory Qaırat Dálbekov jyl qorytyndysy boıynsha qyzmettik mindetterin adal atqaryp, joǵary kórsetkishterge qol jetkizgen eń úzdik qyzmetkerlerdi marapattady.
«Bizdiń salada batyl da batyr, halyqqa jaqyn, eldiń tynyshtyǵyn saqtaýǵa aıanbaı qyzmet etetinder jumys atqarady. Birlikte atqarǵan jumysymyz joǵary baǵalanýda. Osy tusta, jyl boıy jaqsy nátıjelerimen kózge túsken birqatar polıseılerimizge qurmet kórsetpek nıettemiz. Qıyn da qaýipti saladaǵy jumystaryńyzǵa tabys tileımin!», dedi Qaırat Dálbekov.
Prezıdent Jarlyǵymen pandemııamen kúres kezindegi jemisti eńbekteri úshin «Halyq alǵysy» medalimen Medısına bóliminiń basshysy Málik Ivatuly, JPQ basqarmasynyń ınspektory polısııa maıory Nurlan Tumabaev, patrýldik polısııa batalonynyń qyzmet ınspektory polısııa aǵa leıtenanty Ǵalymjan Jaqsylyqov marapattaldy.
Sondaı-aq Túrkistan oblysy Polısııa departamentiniń Gramotasyna «Úzdik tergeýshi» polısııa maıory Bekzat Matenov, «Úzdik krımınalıst» polısııa maıory Farhat Baıatarov, «Úzdik jedel ýákil» Ermek Shákim, «Úzdik anyqtaýshy» Álimjan Tasbaýov, «Úzdik patrýldik polısııa qyzmet ınspektory» polısııa aǵa leıtenanty Ernazar Súıindik ıe boldy. Kásibı sheberligi men qyraǵylyǵyn kórsetken tártip saqshylary eńbekteriniń eskerilgenine rııasyz alǵystaryn jetkizip, Qazaqstan Respýblıkasy úshin qaltqysyz qyzmet etýge ýáde berdi.
Túrkistan oblysy