Izdeýde júrgen kúdikti Qarasaı aýdanyndaǵy týystarynyń úıinen ustalyp, ýaqytsha ustaý ızolıatoryna qamaldy, dep habarlaıdy Egemen.kz Polisia.kz saıtyna silteme jasap.
2020 jyldyń sáýir aıynda Rahat aýyldyq okrýginiń saıajaı kentiniń shetinde atys oryn alǵan. Atalǵan fakt boıynsha QR QK-niń 293-babynyń 3-bóligimen (Atys qarýyn, gazdy qarýdy, pyshaqtardy, kastetterdi jáne ózge de sýyq qarýdy ne densaýlyqqa zııan keltirý úshin arnaıy laıyqtalǵan basqa da zattardy qoldanyp nemese qoldanýǵa tyrysyp jasalǵan is-áreketter) qylmystyq is qozǵaldy.
Júrgizilgen jedel-izdestirý is-sharalarynyń nátıjesinde osy qylmysqa Shyǵys Qazaqstan oblysy Úrjar aýdanynyń 26 jastaǵy turǵynynyń qatysy bar ekeni anyqtaldy, ol qylmys jasalǵannan keıin boı tasalaǵan.
2020 jyldyń maýsym aıynda jasaǵan qylmysy úshin oǵan halyqaralyq izdeý jarııalandy. Sýdıa oǵan “qamaýǵa alý” túrindegi bultartpaý sharasyn sanksııalady.
2021 jylǵy 22 qańtarda Almaty oblysynyń PD Krımınaldyq polısııa basqarmasy jáne Eńbekshiqazaq aýdanynyń PB qyzmetkerleriniń úılesimdi is-áreketteriniń arqasynda izdeýde júrgen kúdikti Qarasaı aýdanyndaǵy týystarynyń úıinen ustalyp, ýaqytsha ustaý ızolıatoryna qamaldy.