QR QM QMK Aqtóbe oblysy boıynsha Ekonomıkalyq tergeý departamenti júrgizgen jedel-izdestirý is-sharalarynyń nátıjesinde, Aqtóbe qalasynyń eki turǵynynyń aldyn-ala sóz baılasý arqyly belgisiz tulǵalardan dızel otynyn tómendetilgen baǵamen qujattarsyz satyp alyp, jalpy kólemi 4 366,892 tonna dızeldi 868 391 921 teńge somasynda ár túrli JShS-ge satqanyn anyqtady, dep habarlaıdy Egemen.kz.
Dızel otynynyń shyǵýyn zańdastyrý úshin kúdiktiler JShS-niń qoımasynan dızel otynyn jetkizýge eki JShS-men jalǵan kelisimsharttar jasap, janarmaı tólemderin qoldan jasaǵan.
Aqtóbe qalasynyń № 2 sotynyń úkimimen, asa iri kólemde, shyǵý tegi zańdylyǵyn rastaıtyn qujattarsyz, munaı jáne munaı ónimderin tasymaldaý, alý, saqtaý jáne satý faktisi boıynsha, Aqtóbe qalasynyń turǵyndary QR QK 197-baby 4-b. sáıkes kináli dep tanylyp, olarǵa 4 jyl merzimge bas bostandyǵynan aıyrý túrindegi jaza taǵaıyndaldy.