Qarmaqshy aýdany ákimdiginiń májilis zalynda qoǵamdyq keńes otyrysy ótti. Aýdan ákimi Musa Qaldarbekov keńes músheleri aldynda baıandama jasap, ótken jyly atqarylǵan aýqymdy jumystar men alda turǵan mindetterdi saralap ótti. Aýdandyq máslıhat hatshysy Ádil Qoshalaqov ta óz habarlamasynda jyl kóleminde jasaǵan jumystaryna jan-jaqty toqtalyp ótti.
Aýdandyq qoǵamdyq keńes tóraǵasy Gúljaýhar Raeva keńeste qozǵalǵan jáne sheshimin tapqan máseleler jóninde habarlama jasady. Máselen, gazdandyrý baǵytynda birqatar jumystar júzege asty, abattandyrý, kórkeıtý – kógaldandyrý salasynda jumystar isteldi. Sonymen birge orta shaǵyn kásipkerlikti qoldaý baǵytynda aýyldyq eldi mekender men kentterde 70 seh jumysyn bastady. Aldaǵy kezeńde de jumyssyzdyqty azaıtý, aýdan bıýdjetiniń kirister bóligin ulǵaıtý, basqa da máselelerdi kezeń- kezeńmen sheshý kózdelgen.
Jıyn sońynda qoǵamdyq keńes músheleri tarapynan aýdan ákiminiń jáne aýdandyq máslıhat hatshysynyń esepteri negizinde ótken jylǵy qyzmetterine oń baǵa berý týraly qarar qabyldandy.