Nıderlandtyń Qazaqstandaǵy Elshiliginen kelip túsken aqparatqa sáıkes, 23 qańtardan bastap COVID-19 koronavırýs pandemııasyna baılanysty qazirgi kezde atalmysh elge kirýdiń baqylaý sharalary kúsheıtildi. Bul týraly SIM baspasóz qyzmeti habarlady.
Osymen, sol elge kelgenderdiń barlyǵy Nıderlandqa kirerden 72 saǵat buryn tapsyrylǵan COVID-19 PTR-testiniń teris nátıjesi bar anyqtamany, sondaı-aq COVID-19 ekspress-testiniń teris nátıjesin («antıgen ekspress-test» dep atalatyn) kórsetýi kerek. Bul talaptar tranzıttik jolaýshylarǵa da qatysty.COVID-19 ekspress testin Nur-Sultan jáne Almaty qalalaryndaǵy halyqaralyq áýejaılarda ornalasqan zerthanalarda tapsyrýǵa bolady. Osy másele boıynsha aqparat alý úshin tıisti áýejaıdyń aqparattyq qyzmetine habarlasý qajet.