Qaraǵandydaǵy Keńes Odaǵynyń Batyry Martbek Mamyraev atyndaǵy áskerı-tehnıkalyq mektep ótken jyldyń qorytyndysy boıynsha Ishki ister mınıstrligine qarasty dál osyndaı 14 bilim mekemesi arasynda úzdik dep tanyldy, dep habarlaıdy Egemen.kz. oblys ákiminiń baspasóz qyzmetine silteme jasap.
«QR Qorǵanys mınıstrliginiń áskerı-tehnıkalyq mektebi» RMQK bas dırektory Bolat Darbekov zapastaǵy polkovnık Amangeldi Jantasov basqaratyn mektep ujymyna aýyspaly tý men jalaýshany tabys etti. Sonymen qatar zapastaǵy general-leıtenant «Astana» óńirlik qolbasshylyǵynyń qolbasshysyna jáne 31775 áskerı bólimniń komandırine áskerı oqytylǵan rezervti daıarlaýda tájirıbelik kómek kórsetkeni úshin alǵys aıtty.
Sondaı-aq saltanatty is-sharada áskerı oqytylǵan rezervti daıarlaý barysynda áskerge shaqyrylýshylar men áskerı mindettilerdi jasaqtaýǵa belsendi qatysqany úshin «QR QM ÁTM» RMQK «Qol jetkizgen tabystary úshin» medalimen Qaraǵandy oblystyq qorǵanys isteri jónindegi departament bastyǵynyń orynbasary - Jasaqtaý basqarmasynyń bastyǵy podpolkovnık Rýstam Jalbınov pen Qaraǵandy qalasyndaǵy Qazybek bı atyndaǵy aýdannyń qorǵanys isteri jónindegi bóliminiń bastyǵy podpolkovnık Dmıtrıı Býksman marapattaldy.
Qaraǵandy oblysy