Eńbek jáne halyqty áleýmettik qorǵaý mınıstrliginiń aqparattyq ınfraqurylymynyń qaýipsizdigin qamtamasyz etý úshin 2020 jyldyń tamyz aıynan bastap Network Sandbox (jelilik qumsalǵysh) – tLab ónimi paıdalanýǵa engizildi.
Bul jańa zııandy baǵdarlamalardan (vırýstardan) bolatyn qaýiptiń aldyn alýǵa baǵyttalǵan. Qazirgi ýaqytta tLab 113 666 faıldy árekettiligi deńgeıinde sátti taldady.
TLab tehnologııasy vırýs juqtyrǵan kompıýterlerde burynnan belgili vırýsty izdeýdiń ornyna, jańa jáne belgisiz vırýstardy anyqtaý jáne buǵattaý úshin jasalǵan. О́nim poshta trafıgi faıldaryn Mail Transfer Agent arqyly tekseredi.
Osylaısha, 2020 jylǵy jeltoqsanda zııandy baǵdarlamalyq qamtamasyz etý «Eńbek resýrstaryn damytý ortalyǵy» AQ qyzmetkeriniń korporatıvtik poshtasyna jiberildi. Zııandy obekt sıgnatýralyq deńgeıde vırýsqa qarsy baǵdarlamalyq qamsyzdandyrýmen sáıkestendirilmedi, biraq tLab júıesi men T&T Security vırýstyq zerthanasynyń (júıe óndirýshisi) kómegimen qaterdi taldaý men baǵalaýdan keıin bul paıdalanýshynyń qupııa derekterin jınaýǵa baǵyttalǵan tyńshylyq baǵdarlamalyq qamsyzdandyrý ekenin bilýge múmkindik týdy.
Sonymen qatar anyqtalǵan qaýip «nóldik kún» sanatyna jatatyny belgili boldy, ıaǵnı jasalǵan kúni shabýyl jasalǵan kúnge sáıkes keledi.