Qaraǵandy men Jezqazǵan qalalary arasynda qatynaıtyn jolaýshylar poıyzyna degen jurttyń ókpe-nazy kóp edi. Nege deseńiz, bar-joǵy alty-aq vagony bar poıyz araǵa kún salyp qana júretin. Munyń ózi Jezqazǵan, Sátbaev qalalary men Ulytaý, Abaı, Jańaarqa jáne Shet aýdandaryna qarasty stansalar men razezderdiń tyǵyz sharýasy bar turǵyndary úshin úlken qolaısyzdyq týdyryp kelgen bolatyn.
Endi mine, jurttyń ótinish-tilegi eskerilip, oblys ákiminiń sheshimimen «Qaraǵandy – Jezqazǵan» baǵyty boıynsha poıyz kún saıyn júretin boldy. Bul maqsatqa jergilikti bıýdjetten qarajat ta bólindi.
Mundaı sheshim turǵyndar úshin óte mańyzdy edi. О́ıtkeni bul qadam halyqtyń temir jol kóligine degen suranysyn qanaǵattandyryp, joǵaryda atalǵan óńir turǵyndaryn jolaýshylar qatynasymen turaqty jáne sapaly qamtamasyz etý máselesin tolyq sheshýge múmkindik beredi. Mysaly, byltyr osy aralyqta qatynaıtyn poıyz 100 myń jolaýshyny tasysa, bıyl bul meje eki esege deıin ósýge tıis degen boljam bar.
«Qaraǵandy – Jezqazǵan» baǵyty boıynsha 28 eldi mekendi basyp ótetin ekinshi poıyzdyń da alty vagony bar. Onyń ekeýi kýpe bolsa, úsheýi plaskart jáne bireýi jalpy vagon. Onyń bári byltyr Belarýs elindegi Gomel vagon jóndeý zaýytynda kúrdeli jóndeýden ótken eken.
Qaraǵandy oblysy