Qaraǵandy oblysyndaǵy shaǵyn qala Saran qazirgi tańda úlken ndiris aılaǵyna aınalyp keledi. Mysaly munda byltyrǵy jyldyń sońyna taman avtobýs jáne arnaıy tehnıka shyǵaratyn zaýyt ashylyp, paıdalanýǵa berildi. Munyń zi atalǵan qala úshin «zákirli joba» bolǵaly tur. Sonymen qatar ol oblys ekonomıkasyn ártaraptandyrýǵa da mol múmkindik beredi degen úmit bar.
Jańa zaýyt aldaǵy sáýir aıynan bastap óziniń óndiristik tolyq qýatyna shyǵady eken. Iаǵnı kásiporyn jylyna Yutong markaly 1 200 avtobýs pen 400 birlik arnaıy tehnıka men arnaıy kólik shyǵarýdy josparlap otyr. Kásiporyn basshysy, «QazTehna» JShS dırektory Arǵulan Maıkonov zaýyttyń qazirdiń ózinde tapsyryspen qamtamasyz etilgenin aıtady.
– Mańyzdy joba jospardaǵy kestege saı júzege asyrylýda. Qazir ekinshi sehty qaıta qurý jumystary qarqyndy júrgizilý ústinde. Ony osy jyldyń sáýir aıynda iske qosýdy josparlap otyrmyz. Sonda 600-ge jýyq avtobýs shyǵaryp, ótkizý oıda bar. Zaýyt osyndaı kólemdi ıgere alady, – dep atap ótti A.Maıkonov.
Kásiporyn kúshine mingen ýaqytta ondaǵy jumysshylar sany 1 myńnyń shamasynda bolady degen boljam bar.
Qaraǵandy oblysy,
Saran qalasy