Jedel medısınalyq járdem brıgadasy zardap shekken adamdy Ýspen aýdandyq aýrýhanasyna jeńil dárejedegi janý ónimderimen ýlaný dıagnozymen jetkizip, alǵashqy medısınalyq kómek kórsetti, dep habarlaıdy Ravlodarnews.kz.
Pavlodar oblysy TJ departamenti baspasóz qyzmetiniń málimeti boıynsha, 01 saǵat 10 mınýtta Ýspen aýdanynyń №17 órt sóndirý bóliminiń «101» pýltine Ýspen aýylynyń Mılevsk kóshesindegi turǵyn úıdiń janǵany týraly telefon habarlamasy túsken.
- Shaqyrý ornyna kelgennen keıin jeke turǵan eki bólmeli samannan jasalǵan úıde jıhaz, úı zattary, aǵash terezeler, esikter jáne jalpy 40 sharshy metrde jartylaı aǵash shatyr qurylymdary janyp jatqany anyqtaldy. Kezekshi qaraýyl kelgenge deıin kórshisi, QAJD probasııa qyzmetiniń ınspektory Tólegen Nurjan úı ıesin 1966 jyly týǵan er adamdy dalaǵa shyǵardy. Zardap shekken turǵyndy aýrýhanaǵa jatqyzýdyń qajeti bolmady. Er adam mas bolǵan, - deıdi departamentte.
Sonymen qatar, gaz-tútinnen qorǵaý qyzmeti býynynyń quramynda órt sóndirýshi azamattyq qorǵaý kishi serjanty Rasýl Qazbekov úıden syıymdylyǵy 27 l 1 gaz ballonyn evakýasııalap, gaz ballonynyń jarylýyn aldyn aldy. Tilsiz jaý 02 saǵat 48 mınýtta sóndirildi.
Oqıǵa ornynda jeke quramnan 4 adam jáne 2 tehnıka jumys istedi. О́rttiń shyǵýyna mas kúıinde tósekte temeki shegý sebep bolǵan. Pavlodar oblysy tótenshe jaǵdaılar departamenti qutqarýshylardyń eskertýlerin nazardan tys qaldyrmaýdy suraıdy.