Taýda Almaty qalasynda uıymdastyrylǵan «Men de juldyz bolamyn!» atty respýblıkalyq baıqaýda baq synaǵan qaraǵandylyq jas ánshi Asylaıym Bolatqyzy júldeli ekinshi oryn alyp, Túrkııada ótetin halyqaralyq konkýrstyń joldamasyna ıe bolady.
Qaraǵandydaǵy kenshiler mádenıet saraıy janyndaǵy «Shabyt» estradalyq vokal úıirmesiniń múshesi Asylaıym úshin bul alǵashqy jetistik emes. О́nerli baldyrǵan buǵan deıin de respýblıkalyq jáne halyqaralyq konkýrstarǵa qatysyp, birneshe márte laýreat atanǵan.
Almatyda ótken baıqaýda qaraǵandylyq ánshi qyz Shómishbaı Sarıevtiń sózine jazylǵan Keńes Dúısekeevtiń «Sálem saǵan, týǵan el» ánin oryndap, qazylar alqasynyń yqylasyna bólendi.
Asylaıym kenshiler astanasyndaǵy №77 orta mekteptiń 6-synybynda oqıdy. «Shabyt» estradalyq vokal úıirmesine eki jyldan beri qatysyp júr.
Sonymen birge, Asylaıym Bolatqyzynyń ustazy, atalǵan úıirmeniń jetekshisi Erbolat Mahanbet atalǵan konkýrstyń jabylý saltanatynda qazaq óneriniń damýyna úles qosqany jáne úzdik shákirt daıarlaǵany úshin Alǵys hatpen marapattaldy.
Al Túrkııada ótetin halyqaralyq baıqaý týraly aıta ketsek, ol konkýrs maýsym aıynda uıymdastyrylýy múmkin. «Baıqaýdyń naqty merzimi jáne onyń talaptary týraly uıymdastyrýshylar jaqyn arada ózderi habarlaýy tıis», deıdi Erbolat Mahanbet.
QARAǴANDY