Osy jyldyń 28 qańtarynda keshki aralaý kezinde aýdandyq ákimdikter men PD qyzmetkerlerinen quralǵan monıtorıngtik toby ShOB-tyń kezekti nysandarynda karantın rejıminiń saqtalýyn tekserdi, dep habarlaıdy Egemen.kz qala ákimdiginiń resmı saıtyna silteme jasap.
Elorda turǵyndary men ShOB sýbektileri karantın talaptaryn buzýdy toqtatpaı keledi. Sonymen, Esil aýdanynda monıtorıngtik tekserýler júrgizý barysynda myna mekemelerdiń jumys rejımin buzý faktileri anyqtaldy: "Shashlychnyı dvor" kafesi, Rabiya meıramhanasy, CENTRAL resto-bary, Sabera grıl-bary. Atalǵan tártip buzýshylarǵa qatysty ákimshilik is qozǵalyp, aıyppul salyndy.
Osy jyldyń 1 qańtarynan bastap monıtorıngtik toptarmen qamtylǵan obektilerdiń ishinen shekteý jáne karantındik sharalaryn 16 paıyzy buzdy, al qalǵandary kórsetilgen tártipti saqtap keledi.
Nur-Sultan qalasynyń bas memlekettik sanıtarlyq dárigeriniń qaýlysyna sáıkes, barlyq qoǵamdyq tamaqtaný nysandary saǵat 20.00-ge deıin ǵana jumys isteýi tıis. Tártip buzýshylarǵa aıyppul salynady. Bıznesmenderge 600 myńnan astam, qonaqtarǵa 87 myńnan teńgeden astam aıyppul qarastyrylǵan.
Osylaısha, búginde sot 12 qoǵamdyq mekemeniń qyzmetin toqtatty jáne ákimshilik aıyppul saldy: "Janym sol" karaoke-bary, "Alanııa" túngi klýby (Manas kóshesi, 9/1), "Tequila" karaoke-bary, "Altyn" meıramhanasy, "Echo" laýndj bary, "Storıs" laýndj bary, "Raspawn" kompıýterlik klýby, "Kango" batýt parki, "Abba" laýndj bary, "Ginza" karaoke-meıramhanasy, "Ginza"dúkeni.
Nur-Sultan qalasynyń Polısııa departamenti azamattar men mekeme ıelerine karantın rejımi jalǵasyp jatqanyn jáne bas sanıtarlyq dárigerdiń qaýlysynyń talaptaryn saqtaý kerektigin eskertedi. Tártip buzýshylar qoldanystaǵy zańnamaǵa sáıkes jaýapkershilikke tartylady.