Qazaqstan – О́zbekistan shekarasynan Makarov tapanshasyn ótkizbek bolǵan eki ózbek azamaty ustaldy, dep habarlaıdy Egemen.kz. Bul týraly UZnews saıty málimet taratty.
Sarapshylardyń pikirinshe tárkilengen qarý alty oqty Makarov tapanshasy eken.Tergeýge deıingi tekserý barysynda qarý 4 myń dollarǵa Qazaqstan azamatynan satyp alynǵany anyqtalǵan.
Aıta keteıik, ustalǵandardyń biri buryn sottalǵan azamat. Ol 2012 jyly О́zbekstannyń Qylmystyq kodeksiniń 97-baby boıynsha (qasaqana kisi óltirý) sottalǵan, al 2019 jyly – 169-bap boıynsha (urlyq) kináli dep tanylǵan.
Qazirgi ýaqytta atalǵan azamattarǵa qatysty О́zbekstan Qylmystyq kodeksiniń 246-baby (kontrabanda) boıynsha qylmystyq is qozǵaldy jáne qamaýǵa alý túrinde aldyn-alý sharasy qoldanyldy.
Aıda ORALBEK