Almaty bıligi ekonomıkalyq jáne áleýmettik paıdalylyqty eskere otyryp, baǵany ustap turý jónindegi qalalyq Komıssııa usynymynyń negizinde qumshekerge bir kelisi úshin 254 teńge mólsherinde belgilengen shekti qol jetimdi bólshek baǵasynyń qoldanylý merzimin 30 kúntizbelik kúnnen 90 kúntizbelik kúnge deıin uzartý týraly sheshim qabyldady, dep habarlaıdy Egemen.kz.
Tıisti qaýly 2021 jylǵy 30 qańtardan bastap kúshine enedi.
Baǵalardyń saqtalýynyń baqylaýyn Almaty qalasy Kásipkerlik jáne ınvestısııalar basqarmasynyń mamandary aýdan ákimdikterimen birlesip, júzege asyratyn bolady. Kásipkerler atalǵan talaptardy buzǵan jaǵdaıda, 100 aılyq eseptik kórsetkishten (291 700 teńge) 200 aılyq eseptik kórsetkishke deıingi (583 400 teńge) mólsherde aıyppul túrindegi ákimshilik jaýapkershilikke tartylady.
Eske salsaq, qalada qantqa belgilengen shekti baǵa 2020 jylǵy 30 jeltoqsannan bastap engizildi. Atalǵan sharalar naryqtaǵy ónimniń qunyn turaqtandyrý jáne satýshylardyń baǵany negizsiz kóterýine jol bermeý maqsatynda júrgizilýde.