Atyraýda «Qaýipsiz jol» jedel-profılaktıkalyq is-sharasynyń bir kúninde jol erejesin buzǵan 458 júrgizýshi jaýapqa tartyldy.
Oblystyq polısııa departamentiniń bastyǵy, polısııa polkovnıgi Qamza Úmbetqalıevtyń málimetinshe, «Qaýipsiz jol» is-sharasy 26-30 qańtar aralyǵynda ótip jatyr.
«Bir kúnde júrgizýshiler tarapynan jolda júrý erejesin buzýǵa qatysty 458 derek anyqtaldy. Onyń ishinde belgilengen jyldamdyq mólsherin arttyrǵan 72, kólik quralyn paıdalaný kezinde uıaly telefonmen sóılesken 36, qaýipsizdik beldigin paıdalaný erejesin buzǵan 69, alkogoldi masań kúıde kólik quralyn basqarǵan 21 derek tirkeldi. Sondaı-aq, jaıaý júrginshige jol bermegen 56, qujatsyz kólik quralyn basqarǵan 51, manevr qaǵıdasyn buzǵan 16 derekke qatysty júrgizýshilerge hattama toltyryldy. Aıyptylar ákimshilik jaýapkershilikke tartyldy» deıdi departament bastyǵy Qamza Úmbetqalıev.