О́skemende jeńil atletıkadan Olımpıada chempıony Olga Rypakovanyń júldesine arnalǵan halyqaralyq týrnır búgin altynshy ret ótti. Halyqaralyq jarys bolǵanymen, álemdegi jaǵdaıǵa baılanysty shetelden eshkim qatyspady, dep habarlaıdy
Ashylý saltanatynda habarlanǵandaı, týrnırge Almaty, Soltústik Qazaqstan, Pavlodar, Qaraǵandy, Shyǵys Qazaqstan oblystary men Nur-Sultan qalasynyń komandalary qatysty.
Keńeıtilgen jeńil atletıka kesheninde ótken jarysqa ádettegiden basqa eki sport túri qosyldy. Tize ketsek; erlerdiń kedergiler arqyly 110 metr qashyqqa júgirýi, sergitý estafetasy. Al burynnan ótip kele jatqan jeńil atletıka túrleri; úsh qarǵyp sekirý, bıiktikke sekirý, syryqpen sekirý, aralas estafeta, 400, 200, 800, 1500 jáne 60 metr qashyqqa júgirý.
Halyqaralyq degen aty bar jarysqa Olga Rypakovanyń ózi de qatysty.
– Jarys jolyna shyqpaǵanyma kóp ýaqyt boldy. Búgin jarys atmosferasyn sezineıin dep qatystym. Maqsatym jeńis emes. О́zim úshin Olımpıadaǵa daıyndyq boldy. Byltyr sport keshenimizge kúrdeli jóndeý júrgizilgendikten, týrnır ótpegen edi. Bıyl eldegi jaǵdaıǵa qaramastan ruqsat etilgenine qýanyshtymyn. О́kinishtisi, koronovırýs ınfeksııasyna baılanysty shetelden sportshylar kele almady, – dedi sportshy.
Jarysqa qatysqan 66 sportshynyń ishinen baby men baǵy shapqandary tuǵyrǵa turyp, marapattalyp jatty. Jarys jolyna shyqqandardyń 35-i erler bolsa, 31-i áıelder edi. Júldeniń negizgi bóligi qaraǵandylyq sportshylardyń qanjyǵasyna baılandy.