Aqtóbe oblysynyń turǵyny Nurlan Janbýrın respýblıkalyq «ınnovasııalyq forsaj» baıqaýynyń júldegeri atandy. Bul týraly «Habar» telearnasy habarlady.
N. Janbýrın munaı kompanııalarynyń birinde energetık bolyp qyzmet isteıdi. Ol aýany ıonmen tazartý qurylǵysyn oılap tapqan. Dybyssyz elektrondy súzgi terezege ornatylyp, ol aýadaǵy zııandy gazdar men shańdy bólmege ótkizbeıtin kórinedi.
Avtor bul jobasyna patent aldy. Qazir ony naryqqa shyǵarýdyń jolyn izdestirýde. Ázirge jańa qondyrǵyǵa Reseı men Qytaı azamattary qyzyǵýshylyq bildiripti. «Bizdiń elde jańa jobalardy júzege asyrýdyń múmkindigi bar. Tek osy jyldyń ózinde 376 azamat ónertapqysh baıqaýyna qatysýǵa ótinish bildirdi. Sonyń ishinen 15 azamat úzdik atandy»,-deıdi ónertapqysh Nurlan Janbýrın.
Osy óńirdiń taǵy bir turǵyny «Zerek» atty ınteraktıvti qalam oılap taýypty. Qalamdaǵy elektrondy skaner búldirshinderge áripter men ertegilerdi daýystap aıtyp beredi. Onyń sózdik qorynda qazaq tilinde 3 myńnan asa sóz bar. «Jumys kezinde «Zerekti» tıimdi paıdalanyp júrmiz. О́ıtkeni, bul qural qazaq, orys, aǵylshyn tilderin úırenýge arnalǵan. Sondyqtan onyń balǵyndarǵa tıgizetin kómegi mol»,-deıdi mektepge deıingi bilim berý mekemesiniń muǵalimi Ǵalııa Omarova.
Baqytbek Keneshuly.
Derekkóz: «Habar» telearnasy.
Foto: «Habar» telearnasy