Palata Tóraǵasy Máýlen Áshimbaevtyń tóraǵalyq etýimen Bıýro otyrysy boldy. Bul týraly Senattyń baspasóz qyzmeti habarlady.
Depýtattar 2021 jylǵy 4 aqpanda ótetin Senattyń aldaǵy otyrysynyń kún tártibin talqylady.
Senatorlar "Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly" zań jobasyn qaraıdy. Qujat irgeli zertteýlermen qatar qoldanbaly ǵylymı zertteýlerge memlekettiń nazaryn kúsheıtýdi kózdeıdi. Sondaı-aq, ǵylymı jáne ǵylymı-tehnıkalyq qyzmet nátıjelerin kommersııalandyrý múmkindigi paıda bolady.
Depýtattardyń qaraýyna "Qazaqstan Respýblıkasynyń keıbir zańnamalyq aktilerine Kaspıı teńizinde qyzmetti júzege asyrýǵa baılanysty máseleler boıynsha ózgerister men tolyqtyrýlar engizý týraly" zań jobasy da usynylatyn bolady. Qujattyń negizgi maqsaty zańnamany Kaspıı teńiziniń quqyqtyq mártebesi týraly konvensııanyń erejelerine sáıkes keltirý bolyp tabylady.
Senatorlar sonymen qatar Májilisten kelip túsken birqatar zań jobalaryn turaqty komıtetterge bólip berdi.