Elimizdiń áýe keńistigin qorǵaý úshin Qazaqstannyń áýe shabýylyna qarsy qorǵanys áskerlerine alǵash ret ózi tárizdes tehnıkanyń eń tıimdi ókilderdiń biri bolyp sanalatyn jańa zamanaýı kópfýnksıonaldy «BÝK-M2E» zenıttik zymyran keshenimen tolyqty.
«BÝK-M2E» – joǵary mobıldi zamanaýı zenıttik zymyran kesheni, ushý apparattaryn 99%-ǵa deıin zaqymdaý tıimdiligi bar zymyrandarmen jabdyqtalǵan.
Atalǵan keshen quramyna jaryqtandyrý jáne baǵyttaý radıolokatory, nysandardy anyqtaý stansııasy, komandalyq pýnkt jáne iske qosý qýattaý qondyrǵylary, sondaı-aq jaýyngerlik tapsyrmalardy oryndaýdy qamtamasyz etýge arnalǵan jóndeý sheberhanalary men arnaıy zerthanalar kiredi. Zenıttik zymyran kesheni shynjyr tabanmen júrýge negizdelgen. Keshenniń basty artyqshylyǵy ol qozǵalystaǵy áýe nysanalaryna zymyrandaryn ushyrýdy iske asyrýǵa múmkindik beretin utqyrlyǵy men joǵary ótimdiligi bar.
«Býk-M2E» kópfýnksıonaldy zenıttik zymyran kesheni «Almaz-Anteı» ShQO konserni» AQ-da daıyndalǵan. Qazirgi ýaqytta zaýyt mamandary keshendi tapsyrý jáne ony Qazaqstannyń ÁShQQ áskerlerine qarýlandyrýǵa qoıý jóninde jumystardy júzege asyrýda.
«BÝK-M2E» orta qashyqtyqtaǵy áýe shabýylyna qarsy qorǵanys quraldary arasynda ózi tárizdes tehnıkanyń úzdigi dep ataýǵa bolady. Jetkizilgen keshen áýe keńistigin jáne jaýapkershilik aımaǵyndaǵy mańyzdy obektilerdi qorǵaý úshin áskerlerdiń jaýyngerlik múmkindikterin edáýir arttyrady. Synaqtardan keıin ol eldiń áýe shabýylyna qarsy qorǵanys júıesine biriktirilip, jaýyngerlik kezekshilikke túsetin bolady», - dep QR QK ÁQK bas qolbasshysy avıasııa general-leıtenant Nurlan Ormanbetov atap ótti.
Keshenniń ereksheligi – jaryqtandyrý jáne baǵyttaý radıolokatory. Dál osy ereksheligi jasyrýǵa tıimdi jer bederlerinde de áreket etýge múmkindik bere otyryp, tómen ushatyn qarsylastyń nysandarymen kúresýge yqpal etedi, sondaı-aq bul keshen zymyrandarmen qarýlanǵan, onyń sıpattamalaryna jartylaı belsendi ózin-ózi basqarý kiredi.
«Zenıttik keshenniń esepteýleri búgingi tehnıkany qoldanýǵa ázirlikke keltirý boıynsha normatıvterdi pysyqtady, qarsylastyń basqarylatyn jáne dáldigi joǵary ushýsyz quraldaryn ımıtasııalaıtyn, keıinnen olardy joıatyn áýe nysanalaryn anyqtaýdy júzege asyrdy. Atystar bul keshenniń tıimdiligin kórsetti, barlyq nysanalar alyndy», - dedi áýe shabýylyna qarsy qorǵanys ofıseri polkovnık Ashat Túzelbaev.