Vaksına – pandemııany jeńýdiń jalǵyz senimdi joly. Bul týraly Memleket basshysy Qasym-Jomart Toqaev óziniń Twitter paraqshasynda jazdy, dep habarlaıdy Egemen.kz
«1 aqpan kúni Qazaqstanda COVID-19 indetine qarsy jappaı vaksına salý bastaldy. Biz indetke qarsy álemdik tájirıbeni qoldanyp otyrmyz. Vaksına – pandemııany jeńýdiń jalǵyz senimdi joly», deıdi Prezıdent.
Sondaı-aq Prezıdent azamattardy vaksınalaý shyǵyndarynyń barlyǵyn memleket kóteretinin naqtylap ótti.
«Vaksına salýǵa densaýlyǵy jaramaıtyn azamattardan basqalary, jappaı pandemııa jaǵdaıynda ekpeniń asa mańyzdy jáne qajetti ekenin túsinedi dep oılaımyn», dedi Memleket basshysy.