Byltyr Saryarqa aýdanynda 60-tan astam kóshe jóndeldi, 40 aýla men 14 qoǵamdyq keńistik abattandyryldy. Bul týraly elorda ákimi Altaı Kólginov aýdan turǵyndarymen kezdesýinde belgili boldy, dep habarlaıdy qala ákimdiginiń resmı saıty.
«Saryarqa - halyq tyǵyz qonystanǵan aýdandardyń biri. Biz qalany turǵyndardyń pikiri men muqtajdyqtaryn eskere otyryp, "Nur-Sultan – jaıly qala" master-jospary aıasynda damytamyz. Halyqpen qarym-qatynasta - esep berý kezdesýlerin ótkizý, azamattardy qabyldaý, aýdandardy aralaý jáne t.b. kómektesedi.
Búgin sannormdy saqtaı otyryp, Saryarqa aýdanynyń turǵyndarymen kezdestim. Byltyr aýdanda kóp jumystar atqaryldy. 19 úı salynyp, paıdalanýǵa berildi: bul - qurylysy uzaqqa ketken úılerdi aıaqtaýǵa, sondaı-aq, jyldar boıy turǵyn úı kezeginde turǵan azamattarǵa jańa áleýmettik páter berýge múmkindik týǵyzdy. Sonymen qatar, apatty jaǵdaıdaǵy eski úılerdiń turǵyndary basqa úılerge kóshirildi. Bıyl aýdanda taǵy 3 úıdi, al 2022 jyly 11 úıdi súrýdi josparlap otyrmyz», - deıdi qala ákimi.
Sondaı-aq, ákimniń aıtýynsha birqatar mektepter salynyp, 60-tan astam kóshe jóndeldi, 40 aýla men 14 qoǵamdyq keńistik (saıabaqtar, skverler, býlvarlar) abattandy. Buryn jabdyqtalmaǵan kóshelerge jaryq qosylyp, JKÝ shamdary (natrıı shamy) energııa únemdeıtin zamanaýı shamdarǵa aýystyryldy. 2 700-den astam aǵash otyrǵyzyldy, bıyl bul kórsetkish 2 esege artady.
«Aýdannyń aýqymdy jobalarynyń biri - gazdandyrý. Jeke uıymdarmen kelissózderdiń arqasynda úılerdiń arasyna gaz ótkizý quny orta eseppen 30% tómendedi. Bul másele - el basshylyǵynyń baqylaýynda.
Kezdesýde turǵyndar - kóshelerdi asfalttaý, káriz júrgizý, TKSh jańǵyrtý jáne eski úılerdi súrý, kóshelerdi jaryqtandyrý, aýlalardy abattandyrý, áleýmettik nysandar salý, erekshe qajeti bar adamdar úshin jaǵdaı jasaý jáne t.s.s. 80-nen astam másele kóterdi. Mysaly, sońǵy másele boıynsha - osy aýdanda kórý qabileti buzylǵan balalarǵa arnalǵan balabaqsha qurylysyn bıyl aıaqtaımyz», - dep jazdy qala basshysy.
Turǵyndardyń máselesi baqylaýǵa alyndy. Memleket basshysynyń "halyq únine qulaq asatyn memleket" tujyrymdamasyna kóshý aıasynda kezdesýlerdi turaqty negizde ótkizemiz (pandemııa kezeńinde kóp bóligi onlaın rejımge aýystyryldy).