Bul joba Mahambet aýdanynda iske qosylady degeli biraz jyldyń júzi aýdy. Turǵyndar aldynda esep bergen Mahambet aýdany ákiminiń ýaqytsha mindetin atqarýshy Muqash Zulharnaıdyń málimetinshe, bıyl osy jobany iske qosý kózdelip otyr, dep habarlaıdy Egemen.kz
«Aýdanda Indýstrııalandyrý kartasy aıasynda birneshe jobany iske qosý josparlandy. Sonyń ishinde bıyl júzege asatyn «Meken Chiken» JShS-niń «Broılerlik qus etin óndirý keshenin salý» jobasy da bar. Jobanyń quny – 5,9 mlrd teńge. Bul joba iske qosylǵanda 79 adam jumyspen qamtylady. Al, «Jýmaǵalıeva» sharýa qojalyǵy jylyjaı jobasyn iske qosqaly otyr. Jylyjaı jobasynyń quny 1,2 mlrd teńgeni quraıdy. Jańa jylyjaıda 40 adam jumysqa tartylatyn kózdelgen. Qazir jylyjaıdyń qurylysy bastaldy. Oǵan 16 gektar jer ýchaskesi bólindi», dedi Muqash Zulharnaı.
Onyń aıtýynsha, byltyr Mahambet aýdanynda Indýstrııalandyrý kartasy aıasynda tórt joba iske qosylǵan. Onyń úsheýi «Birinshi mamyr» JShS-ne tıesili bolyp otyr. Bul seriktestikte sút óndirý zaýyty, bıogýmýs óndirý kesheni men sút óńdeý fermasyn keńeıtý jobalary jumys isteı bastady. Sondaı-aq, «Saraıshyq ATSh» JShS eshki sútin óndirý fermasyn ashty. Atalǵan jobalarda ashylǵan jumys oryndaryna 125 adam tartyldy.