Petropavl qalasynda órttiń aldyn alý, sondaı-aq gazben ýlaný máseleleri jóninde tótenshe jaǵdaılardy boldyrmaý mamandarynyń brıfıngi bolyp ótti, dep habarlaıdy Egemen.kz
- Onda memlekettik órt baqylaý basqarmasy bastyǵynyń orynbasary, azamattyq qorǵaý podpolkovnıgi Aıdar Musataev jańa bastalǵan jylda ǵana oblysta 73 órttiń (2020 jyldyń osy kezeńimen salystyrǵanda 2 ese kóp) oryn alǵanyn, onda 8 adam qaza taýyp, 10 adam zardap shekkenin atap ótti. «Kóbinese bul áleýmettik beıimdelmegen azamattar, zeınetkerler, sondaı - aq beıáleýmettik ómir saltyn júrgizetin, spirttik ishimdikterge áýes jáne órt qaýipsizdigi qaǵıdalaryn elemeıtin adamdar, - dep atap ótti Aıdar Qoblanuly.
О́rttiń eń kóbi Petropavl qalasy men Taıynsha aýdanynda bolǵan. Onyń basym bóligi peshpen jylytýdy ornatý jáne paıdalaný kezinde órt qaýipsizdigi qaǵıdalaryn buzý, elektr jabdyǵyn montajdaý jáne tehnıkalyq paıdalaný qaǵıdalaryn buzý, halyqtyń otpen abaısyz jumys isteýi sebebinen bolypty. Sol sebepti barlyq órttiń 73%-y jekemenshik turǵyn úı sektoryna tıesili eken.
Gazben ýlaný qaýpi de joǵary. «О́tken aptada Petropavl qalasyndaǵy jekemenshik turǵyn úıde órt bolmasa da gazben ýlanýdyń bir jaǵdaıy tirkeldi, onda 2 adam zardap shekken. Erli-zaıyptylar ýlanyp, ekeýi de aýrýhanaǵa jatqyzyldy. 1960 jyly týǵan er adam reanımasııada, al 1961 jyly týǵan áıel terapevtıkalyq bólimshege túsken. Ýlanýdyń sebebi órt qaýipsizdigi talaptaryn buzý (murja qubyrynyń kúıemen bekitilýi) boldy», - dep túsindirdi azamattyq qorǵaý podpolkovnıgi.
О́rt sóndirý qyzmeti órttiń aldyn alý jumystaryna erekshe nazar aýdarady. Halyqty órtke qarsy qaýipsizdik talaptaryna oqytý júrgiziledi. Jyl basynan beri jergilikti atqarýshy organdarmen, eriktilermen birlesip, shamamen 18 myń adamdy qamtı otyryp, 7 myńnan astam úı aralap, 9 myńǵa jýyq paraqshalar taratylǵan. О́rtten evakýasııalaý boıynsha 3 praktıkalyq jattyǵý, 300-den astam oqýshyny qamtı otyryp, 2 ınteraktıvti sabaq ótkizilgen eken.
Taqyrypty Esil aýdanynyń TJ bóliminiń bastyǵy, azamattyq qorǵaý podpolkovnıgi Juldyz Esenǵazın jalǵastyryp, peshter men gaz jabdyqtaryn paıdalaný kezinde órt qaýipsizdigi erejelerin qatań saqtaý qajettigine nazar aýdardy. «2021 jyldyń basynan beri Esil aýdanynyń aýmaǵynda 4 órt boldy, materıaldyq zalal 1 mln 350 myń teńge. О́rtsóndirýshilerdiń qatysýymen 5 mln 650 myń teńgeniń materıaldyq qundylyqtary qutqaryldy, bul 2020 jylǵy derektermen salystyrǵanda 39%-ǵa artyq», dedi ol.
О́rttiń jıi oryn alatyn bir sebebi - elektr symdarynyń qysqa tuıyqtalýy. Zamanaýı elektr symdarynyń kóp jaǵdaıda sapasy tómen bolady, sondyqtan kabel nemese symnyń búlinýin kózben anyqtaý múmkin emes. Elektr qondyrǵylardyń beriktigi men úzdiksiz jumysynyń apatty jaǵdaılarǵa jetýi, birqatar mindetti sharttardy oryndalmaýyna tikeleı baılanysty.
Keıde kabelderdiń ónim óndirýshiden tutynýshyǵa, odan qoımaǵa, jetkizýshiden deldalǵa, satýshydan satyp alýshyǵa tasymaldaýynyń saldarynan mehanıkalyq jáne fızıkalyq áserlerge jıi ushyraıdy. Kóp jaǵdaıda kabeldiń zaqymdalýy isten shyǵý men qysqa tuıyqtalý sııaqty saldarlarǵa ákeledi.
Sondyqtan elektrmen jabdyqtaý boıynsha oqıǵalar men apattarǵa jol bermeý úshin kabeldik jelilerdi mezgil-mezgil tekserý qajet. Osyndaı is-sharalardyń ýaqtyly júrgizýinen zaqymdalǵan kabel jelisin anyqtap, adamdardyń tokpen zardap shegýine jáne adamdardyń qaza bolýymen órttiń paıda bolýyn aldyn alýǵa bolady dedi mamandar.
Soltústik Qazaqstan oblysy